logo-hy

 Յուրաքանչյուր արվեստագետի գործ խոսում է նրա բնավորության մասին և արտահայտում հեղինակի տրամադրությունը:
 Լիանայի դեպքում կարելի է ասել, որ նրա նկարները հագեցած են գունային  պայծառ ներդաշնակությամբ:

 

Հինգշաբթի առավոտյան աստիճաններով  բարձանալիս միջանցքներից մեկում նկատեցի ցուցատախտակ, որի վրա կային  աշնանային գույնզգույն տերևներ: Մոտեցա և իմ առաջ բացվեց զարմանահրաշ տեսարան՝ խոսող, երգող ու պատմող տերևներ, նրանցից յուրաքանչյուրի վրա՝ մի աշխարհ՝ ստեղծված վրձնի և գույնզգույն ներկերի օգնությամբ: Նկարներից մեկում արտացոլված էին երկու սիրահար զույգեր, նրանց գլխավերևում փայլում էր աստղային փունջը, որը կարծես մութ գիշերում միակ լուսավորող կետն էր: Աստղափունջը փարոսի պես լուսավորում էր նրանց ճանապարհը դեպի հորիզոն, դեպի լիալուսինը: Այն, իմ կարծիքով,  խորհրդանշում էր նրանց անսահման սերը:  Այնքան տպավորված էի իմ առաջ  բացվող հեքիաթից, որ որոշեցի գտնել հեղինակին և հայտնել տպավորություններիս մասին: Սակայն ստիպված էի սպասել մինչև դասաժամի ավարտը: Ընդմիջման ժամանակ համալսարանում նկատեցի եռուզեռ, որից  հասկացա, որ բոլորն արդեն տեղյակ էին   վրձնի կախարդական  ուժին և շտապում էին ցուցահանդեսի: Ինչ խոսք, ինքս էլ գնացի և վերապրեցի այն հաճելի զգացումը, որը պարուրել էր ինձ առավոտյան: Ի վերջո հանդիպեցի հեղինակին՝ Օտար լեզվի և գրականության ֆակուլտետի 4-րդ կուրսի ուսանողուհի Լիանա Կարապետյանին՝  արվեստագետի հոգով այդ զարմանալի աղջկան, և հայտնեցի իմ խորին շնորհակալությունը: Լիանան ինձ պատմեց, թե ինչպես է մտահղացել այդ գլուխգործոցները: Նրա մասնագիտությունը ամենևին էլ նկարչությունը չէ, ընտրել է օտար լեզուները, բայց մանկուց սիրել է նկարել: Տարիների ընթացքում նկարչությունը դարձել է Լիանայի նախասիրությունը: Ցանկանալով ստեղծել հետաքրքիր, իր տեսակի մեջ նմանը չունեցող մի բան՝ Լիանան ստվարաթղթի փոխարեն իր ձեռքն է վերցրել տերևը, փորձի համար նկարել դրա վրա:  Ամբողջական հավաքածուն ստեղծել է այս աշնան երկու  ամիսների ընթացքում:

 

 

 

Հայտարարություններ

Աուդիո և վիդեո կոնֆերանս համակարգերի մրցույթ

24.07.2018
Աուդիո և վիդեո կոնֆերանս համակարգերի մրցույթ

«Հյուսիսային համալսարան» ՍՊԸ-ի կողմից իրականացվող «Հեռակա ուսուցման դասընթացներ...

Moodle ծրագրի վերաբերյալ վերապատրաստումների կազմակերպման համար անհատ խորհրդատուի ընտրության մրցույթի հայտարարություն

23.07.2018
Moodle ծրագրի վերաբերյալ վերապատրաստումների կազմակերպման համար անհատ խորհրդատուի ընտրության մրցույթի հայտարարություն

ՀԱՅՏԱՐԱՐՈՒԹՅՈՒՆ  Հյուսիսային համալսարանում «Հեռակա ուսուցման դասընթացների...

Գլխավոր նորություններ