Թրեյնինգ «Սոցիալական ձեռնարկատիրություն» թեմայով
2018թ. ապրիլի 3-ին, ժամը 14:30 Հյուսիսային համալսարանի որակի ապահովման սենյակում (4-րդ հարկ)

Թրեյնինգը կազմակերպվում է Հայաստանի սոցիալական ձեռնարկությունների ասոցիացիայի, Youth Opportunities ՀԿ-ի և Հյուսիսային համալսարանի աջակցությամբ: Թրեյնինգը կանցկացնի ՀՍՁԱ անդամ, Համայնքի զարգացումը սոցիալական ձեռնարկատիրության միջոցով ծրագրի կրթական բլոկի պատասխանատու, կառավարման և զարգացման թրեյներ Կարեն Հ.Սարգսյանը:

Թրեյնինգի թեմաները.

• Ի՞նչ է սոցիալական ձեռներեցությունը
• Ո՞րն է սոցիալական ձեռներեցության և ձեռնարկատիրության տարբերությունները
• Որո՞նք են հիմնական 5 բնութագրիչները սոցիալական ձեռնարկատիրության
• Ո՞րն է սոցիալական բիզնեսի և հարակից հասկացությունների տարբերությունները
• Ի՞նչ դեր ունի ՍՁ-ն համայնքի զարգացման հարցում (3 հիմնական ուղղությունները)

Թրեյնինգի նպատակն է.

Ներկայացնել ուսանողությանն ու երիտասարդությանը ձեռնարկատիրության այլընտրանքային ուղղությունը՝ նպաստելով սոցիալական և բիզնես մոտեցումների բալանսավորմանը:

Ի՞նչ կտա թրեյնինգը.

Արդյունքում մասնակիցները կծանոթանան ՍՁ-ի առավելությունների հետ, մասնավորապես՝ ներդրումների ներգրավման և արագ շահույթ գեներացնելու նրբություններին:

Թիրախային խումբ.

Բոլոր այն ուսանողներն ու դասախոսները, ովքեր ցանկանում են բիզնես սկսել, բայց միևնույն ժամանակ թե հոգ տանեն մարդկանց մասին, և թե արագ և հեշտ ճանապարհով գտնեն այդ բիզնեսի համար ֆինանսական և այլ աջակցման միջոցներ:

Թրեյնինգի ընթացքում կներկայացվեն թե միջազգային և թե տեղական սոցիալական ձեռնարկությունների օրինակներ, կոնկրետ դեպքեր, իրավիճակներ:

Ցանկացողները կարող են հայտագրվել՝ այցելելով Հյուսիսային համալսարանի արտաքին կապերի բաժին կամ զանգահարելով հետևյալ հեռախոսահամարով՝ (+374010) 559 776