Հայտարարություններ

Հարգելի հայրենակիցներ

Բոլոր նրանց համար, ովքեր քաջ գիտակցում են վերջին օրերին Հյուսիսային համալսարանի շուրջ տեղի ունեցող իրադարձությունների տրամաբանությունը, և ակնկալում են, որ համալսարանի անունից հրապարակային պարզաբանում կտրվի վերոնշյալի վերաբերյալ, և բոլոր նրանց համար, ովքեր ունակ են հասկանալու, որ քաղաքական կամ քաղաքացիական ակցիայի ընթացքում անկարգապահ վարքագիծ դրսևորող անձանցից բաղկացած խմբի ներխուժումը Հյուսիսային համալսարանի մասնավոր տարածք կանխելը, նշված խմբի պահանջով քաղաքական ակցիայի խորհրդանիշ հանդիսացող Արցախի դրոշը համալսարանի պատշգամբից կախելը մերժելը բացառապես հանդիսանում է ուսումնական հաստատությունը որևէ քաղաքական և կամ քաղաքացիական նախաձեռնության ճնշումներից զերծ պահելու միտում, և, չունենալով որևէ այլ ենթատեքստ, չի կարող տարբեր քաղաքական և քաղաքացիական խմբերի կողմից շահարկումների առարկա դառնալ, իսկ ուսումնական հաստատությունից դուրս քաղաքական կամ քաղաքացիական ակցիաներին համալսարանի ուսանողության մասնակցությունը բացառապես ուսանողների իրավասության տիրույթում է, և համալսարանի ղեկավարությունը չի կարող այդ իրավունքի իրացումը այս կամ այլ կերպ ուղղորդել կամ սահմանափակել:

Միաժամանակ, ամենայն հարգանքով և պատասխանատվությամբ վերաբերվելով Արցախի դրոշի խորհրդին, այն պահից, երբ դրոշները չեն նույնացվի քաղաքական ակցիայի խորհրդանիշների հետ, համալսարանի ուսանողները և դասախոսական համակազմը համալսարանի շահակիցների շրջանում կկազմակերպեն մեր պետական խորհդանիշների դերի և կարևորության վերաբերյալ իրազեկման միջոցառումներ:

Հարգանքով`

Համալսարանի ռեկտոր Մ.Մակիչյան

: Հրատարակված՝ 04.05.2022

«Որակյալ կրթության հասանելիության ապահովման իր առաքելությանը հավատարիմ Հյուսիսային համալսարանը նախատեսում է դիմորդների համար մեկնարկային՝ 2022-2023 ուսումնական տարվա համար ուսման վարձերը ավելի մատչելի դարձնել և ուսումնառության 1–ին տարվա համար ուսման վարձի 50 տոկոս զեղչ է սահմանում 2021-22 ուստարվա շրջանավարտ հանդիսացող բոլոր այն դիմորդների համար, որոնք Հյուսիսային համալսարանում կազմակերպվող հեռակա ուսուցման ընդունելության 1–ին փուլի քննությունների արդյունքներով կընդունվեն Հյուսիսային համալսարանի հեռակա ուսուցման համակարգ, կամ միասնական ընդունելության քննակարգով կընդունվեն Հյուսիսային համալսարանի առկա ուսուցման համակարգ»:

: Հրատարակված՝ 26.04.2022

Հարգելի գործընկերներ և ուսանողներ

Ս.թ. ապրիլի 11-14-ը Հյուսիսային համալսարանի հավատարմագրման շրջանակներում փորձագիտական այց իրականացնելու նպատակով համալսարանում է գտնվելու Մասնագիտական կրթության որակի ապահովման ազգային կենտրոնի (ՈԱԱԿ) կողմից ձևավորված փորձագիտական խումբը:

Փորձագիտական խումբը հանդիպում-քննարկումներ է ունենալու համալսարանի անձնակազմի, ուսանողների և այլ շահակիցների հետ։

Ապրիլի 13-ին՝ ժամը 14:20-15:10-ը, նախատեսված է բաց հանդիպում փորձագիտական խմբի հետ:

Հյուսիսային համալսարանի ներկայացուցիչները և շահակիցները, որոնք ցանկություն ունեն մասնակցելու փորձագիտական խմբի հետ բաց հանդիպմանը, խնդրում ենք մինչև ապրիլի 12-ը գրանցվել՝ գրելով փորձագիտական խմբի համակարգող Մերի Բարսեղյանին՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ էլհասցեով:

: Հրատարակված՝ 10.04.2022

Հյուսիսային համալսարանը հայտարարում է մրցույթ ավագ դպրոցի ֆիզիկայի ուսուցչի թափուր հաստիքի համար

Վերջնաժամկետ՝ 12.04.2022թ.

Պարտադիր պահանջներ

1. Համապատասխան բարձրագույն կրթություն (առնվազն մագիստրոսի կրթական աստիճան) և ոլորտի առնվազն 2 տարվա աշխատանքային փորձ:

Մրցույթին մասնակցելու համար անհրաժեշտ փաստաթղթերի ցանկ՝

Ինքնակենսագրություն՝ CV
կրթության և համապատասխան որակավորման մասին վկայականի՝ դիպլոմի (դիպլոմների) սկանը,
անձը հաստատող փաստաթղթի (անձնագիր, նույնականացման քարտ) սկանը,
աշխատանքային գործունեությունը հավաստող փաստաթղթերի սկանը,
արական սեռի անձինք՝ նաև զինվորական գրքույկի սկանը:

Համապատասխան թեկնածուները կարող են ուղարկել իրենց փաստաթղթերը Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ էլ. հասցեին։

: Հրատարակված՝ 05.04.2022

Բակալավրիատի և մագիստրատուրայի հարգելի ուսանողներ

Շուշիի տեխնոլոգիական համալսարանը հրավիրում է բարձրագույն ուսումնական հաստատությունների ուսանողներին մասնակցելու ՇՏՀ ուսանողական 5-րդ գիտաժողովին։ Զեկուցումների թեման ազատ է։ Զեկուցումներն անհրաժեշտ է ներկայացնել bulletin.am կայքում զետեղված ցուցումների համաձայն, մինչև մարտի 30-ը ներառյալ, հետևյալ էլ․ հասցեին՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։: Գիտաժողովի աշխատանքային լեզուներն են՝ հայերեն,անգլերեն, ռուսերեն։ Հնարավոր է նաև առցանց զեկուցման տարբերակ։ Զեկույցի տևողությունը 15 րոպե; Գիտաժողովին սահմանված կարգով ներկայացված և խմբագրական խորհրդի կողմից ներկայացված և հավանության արժանացած զեկուցումները կհրապարակվեն Բարձր տեխնոլոգիաների տեղեկագրում ՝հատուկ թողարկումով/ առանց գիտական աստիճանի հայցման համար օգտագործման իրավունքի/։ Լրացուցիչ տեղեկատվության համար դիմել ՈւԳԸ նախագահ՝ Հերմինե Առուշանյանին։ Կոնտակտային հեռ․ (+37497) 74 79 09, (+374 98 )71 19 09 :

ՀՈԴՎԱԾԻ ՁԵՎԱԿԵՐՊՄԱՆ ՊԱՀԱՆՋՆԵՐ