Հյուսիսային համալսարանի գրադարան
Հյուսիսային համալսարանի գրադարանը հիմնադրվել է 1996 թվականին և գործում է բուհի կանոնադրության համաձայն: Այն սպասարկում է ողջ ուսանողությանն ու դասախոսական կազմին: Գրադարանը տարիների ընթացքում համալրվել է ինչպես մասնագիտական, այնպես էլ գեղարվեստական գրքերով (շուրջ 10.000 գիրք): Առկա գրականությունը դասակարգված է ըստ բաժինների՝ իրավագիտական, տնտեսագիտական, մանկավարժական, ինֆորմատիկայի, գրականագիտական, լեզվաբանական, օտար լեզուների, գեղարվեստական գրքեր և դպրոցական դասագրքեր: Ընթերցողների՝ տարեցտարի աճող պահանջները բավարարելու համար կնքվել է միջգրադարանային պայմանագիր Ազգային և Խնկո-Ապոր անվան գրադարանների հետ:
Գրադարանը պարբերաբար համալրվում է և՛ բուհի միջոցներով գնված գրքերով, և՛ ուսանողների ու դասախոսների նվիրատվությամբ:
Գրադարանավարը օգնում է ուսանողին գրականություն ընտրելիս, ինչպես նաև իրազեկում է նորություններին:
հեռ. (37410) 55 97 76
