Գլխավոր Մեր մասին Մասնաճյուղեր

Արթիկի մասնաճյուղ

Արթիկի մասնաճյուղն իրականացնում է նաև միջին մասնագիտական կրթական ծրագիր:

Նոր ժամանակներն իրենց հետ նաև նոր դժվարություններ բերեցին հանրապետության մարզերում բնակվող երիտասարդների համար բարձրագույն կրտություն ստանալը դարձավ գրեթե անհնարին: Սոցիալական ծանր պայմանները շատ երիտասարդների հետ պահեցին իրենց կրթությունը շարունակելու մտքից: Այս անհնարինությունը մեզ ստիպեց ճանապարհներ փնտրել` երեւանյան հեղինակավոր բուհերից մեկի` Հյուսիսային համալսարանի ռեկտոր Բորիս Մակիչյանի եւ իմ համագործակցությունից ծնվեց Արթիկում բուհի մասնաճյուղ ունենալու գաղափարը: Շատերը սիրով աջակցեցին այս գաղափարը կյանքի կոչելուն: Այսօր մեր մայր բուհը նշում է իր ստեղծման տասնամյակը, իսկ Արթիկի բաժանմունքը մեծ կյանք է ուղարկում իր առաջին շրջանավարտներին: Այն բուհը, որ իր ստեղծման առաջին իսկ տարում ուներ 62 ուսանող, այսօր իր 4 ֆակուլտետներում 210 երիտասարդ է կրթում: Անգամ այն դիմորդնորը, որոնք թերահավատությամբ ու մի քիչ էլ կասկածամտությամբ էին ընդունվում բուհ, այսօր բուհի բարձր կարգավիճակի ու իրենց ստացած գիտելիքների վրա վստահ, ապագայի նկատմամբ մեծ հավատով պետական քննություններ են հանձնում: Հիմնավոր գիտելիքներ ու որակյալ մասնագիտական կրթություն ստանալու համար ստեղծված են նորմալ պայմաններ, դասավանդումը կատարվում է ուսումնական ծրագրերին համապատասխան, դասավանդում են ոչ միայն տեղի բարձրակար մասնաետները, այլև Երևանից, Գյումրիից հրավիրված փորձառու դասախոսներ: Արթիկի մասնաճյուղում տիրում է ուսումնադաստիարակչական ու բարոյահոգեբանական առողջ մթնոլորտ, ինչը պակաս կարեւոր չէ:

Համալսարանի շենքում գործում է նաև «Շիրակի ֆերմերների ասոցիացիան» համակարգչային կենտրոնը, որի հետ մենք սերտ համագործակվում ենք և մեր ուսանողնորն օգտվում են կենտրոնի հնարավորություններից: Բուհում նաև արդեն ավանդական դարձած բազմաթիվ միջոցառումներ ենք կազմակերպում, ինչպես գիտելիքների իմացության ստուգատես-մրցույթ հինգ առարկաներից, որին խանդավառությամբ մասնակցում են նաև միջնակարգ դպրոցի ավարտական դասարանների աշակերտները: Սրանով նաև նպաստում ենք նրանց մասնագիտական կողմնորոշմանը և բուհի հետ առաջին ծանոթությանը: Մենք վստահ ենք, որ մի օր մեր բուհի հեղինակությունն այնքան է բարձրանալու հանրապետությունում և տարածաշրջանում և նրա առավելություններն այնքան տեսանելի են դառնալու, որ շատ ու շատ երիտասարդներ նախընտրելու են հենց այս բուհը` Հյուսիսային համալսարանի Արթիկի բաժանմունքը:

Դուք մեկնաբանելու իրավունք չունեք: