Հյուսիսային համալսարանում այսօր տրվեց առցանց ավարտական աշխատանքների պաշտպանության մեկնարկը: Այն անցկացվում է բուհի՝ տեխնիկապես հագեցած հեռավար ուսուցման լաբորատորիայում, որտեղ հանձնաժողովի բոլոր անդամները, պահպանելով պարետատան հրահանգները, առցանց լսում են մեր ուսանողների ելույթները: Իհարկե, մեծ է հուզմունքը երկուստեք, բայց քանի որ բուհի ուսանողները շուրջ երեք ամիս դասերը անցկացրել են հեռավար եղանակով, այս պահին էլ հաջողությամբ ներկայացնում են իրենց կատարած աշխատանքները՝ պատասխանելով հանձնաժողովի պահանջկոտ անդամների հարցերին:
Բոլորիդ հաջողություններ ենք մաղթում, մեր շատ սիրելի ուսանողներ: Դուք քննություն եք հանձնում դժվարին մի պահի, բայց համոզված ենք, որ նույնիսկ առցանց տիրույթում հնարավորություն եք ունենալու դրսևորել ձեզ լավագույնս, ապացուցելու եք, որ ուսումնառության տարիներն իսկապես եղել են գիտելիքներ կուտակելու ժամանակաշրջան:
