Հայտարարություն

ՀՅՈՒՍԻՍԱՅԻՆ ՀԱՄԱԼՍԱՐԱՆԻ ԻՐԱՎԱԲԱՆԱԿԱՆ ԿԼԻՆԻԿԱՆ ՀԱՅՏԱՐԱՐՈՒՄ Է «ՀՅՈՒՍԻՍԱՅԻՆ ՀԱՄԱԼՍԱՐԱՆԻ ԻՐԱՎԱԲԱՆԱԿԱՆ ԿԼԻՆԻԿԱՅԻ ՈՒՍԱՆՈՂ-ԽՈՐՀՐԴԱՏՈՒԻ» ԸՆԴՈՒՆԵԼՈՒԹՅՈՒՆ


Ընդունելության համար կարող են դիմել միայն Հյուսիսային համալսարանի առնվազն երկրորդ կուրսի սովորողները:

Ցանկացողները կարող են դիմել ընդունող և որակավորման հանձնաժողով:

Հասցե՝ ՀՀ, ք. Երևան, Ալեք Մանուկյան 15ա, հյուսիսային համալսարան, 6-րդ հարկ՝ իրավագիտության ամբիոն:

Դիմումները կարող են ներկայացվել 15.09.2017թ.-25.09.2017թ. ժամը մինչև 1730-ը ներառյալ:

Հայտարարություն


Հյուսիսային համալսարանի ինստիտուցիոնալ հավատարմագրման շրջանակներում 2017թ. սեպտեմբերի 20-ին ժամը 16:00-ից մինչև 16:40-ը Հյուսիսային համալսարանի որակի ապահովման խորհրդակցությունների սենյակում տեղի կունենա բաց հանդիպում հավատարմագրումն իրականացնող փորձագիտական խմբի հետ:

Ցանկացողները կարող են զանգահարել հետևյալ հեռախոսահամարով՝ 010 554056 Որակի ապահովման վարչություն:

Հասցե՝ ՀՀ, ք. Երևան, Ալեք Մանուկյան 15ա, Հյուսիսային համալսարան, 4-րդ հարկ՝ որակի ապահովման սենյակ:

ՀՅՈՒՍԻՍԱՅԻՆ ՀԱՄԱԼՍԱՐԱՆԸ ՆՎԱՃԵՑ ԱՐԱԳԱԾԻ ՀԱՐԱՎԱՅԻՆ ԳԱԳԱԹԸ

Մինչև վերջին պահը հույս ունեի, որ ՙծերունի լեռնագնացները՚ կսթափվեն ու կհրաժարվեն Արագած բարձրանալու մտքից: Համաձայնեք, որ 82 տարեկանում նման վերելքը, մեղմ ասած, կարող էր ՙարագ անկման՚ պատճառ դառնալ: Մինչ փորձում էի համոզել 82-ամյա պրոռեկտոր Գրիգոր Ասատրյանին և 60-ամյա Արմեն Հարությունյանին (պրակտիկայի բաժնի ղեկավար), որ հրաժարվեն նման ռիսկային քայլից, ինչ-որ մեկը կողքից հիշեցրեց իմ տարիքը... Արագ փակեցի թեման՝ գրանցելով նաև նրանց անունները ՙլեռնագնացների ցուցակում՚: Ինչպես հետո պարզվեց, երիտասարդները մեր հարգարժան դասախոսներից շտ բան ունեին սովորելու...

Այսպիսով, դեպի Արագած սեպտեմբերի 2-ի արշավը, կազմակերպված ու ֆինանսավորված բուհի ռեկտորատի կողմից, սկսվեց վաղ առավոտյան: 18-ից 84 տարեկան մասնակիցների (դասախոսներ և ուսանողներ) ոգևորությունը սահմաններ չուներ: Վերելքն ուղեկցվում էր հայրենասիրական երգերով և Արագած լեռանը նվիրված բանաստեղծություններով:

Անշուշտ, գագաթ տանող ճանապարհը սպասվածի պես դժվար էր: Վերելքի ընթացքում զգացվում էր թթվածնի քաղցը, լեռնային քամին մխրճվում էր լեռնագնացների ոսկորների մեջ: Բայց մեկ է, նրանք հաստատակամորեն քայլում էին դեպի գագաթ՝ իրենց հետ տանելով ՀՀ պետական դրոշն ու Հյուսիսային համալսարանի ուսանողական խորհրդի դրոշը, որոնք մի քանի ժամից հետո պիտի ծածանվեին Արագածի Հարավային գագաթին:

21272969 2001723776708463 6595111306646670095 o

Նկարներն այստեղ

որրը, գագաթների վրայից արագորեն սահող ամպեր, որոնք քնքշորեն լիզելով ու շոյելով լեռան ժայռաքարերը, կարծես սեր են խոստովանում հայրենի բնաշխարհին: Իսկ Արագածի շրջակայքը ոչ միայն գեղեցիկ է, այլև չափազանց փոփոխական, ինչպես գեղեցկուհու քմահաճույքները: Վերելքի ճա

նապարհին մերթ հանդիպում ես ալպիական բուսականության, մեկ էլ այն միանգամից աչքիդ առաջ փոխվում է լեռնաքարերի, հետո հաջորդում է տափաստային լանդշաֆտը և այսպես շարունակ…

Ոգևորված այս գեղեցկությամբ՝ ի վերջո արշավախումբը հասավ Հարավային գագաթ, որտեղից մեկ այլ հրաշալի տեսարան բացվեց: Մեր աչքերը պարզապես չէին կտրվում խառնարանից, որի շուրջ չորս հսկա եղբայրներ էին գոտևորվել: Դրանք Արագածի գագաթներն էին: Իրենց ահարկու մեծությամբ, ինչ-որ տեղ նաև սարսափազդու տեսքով չափազանց ազդեցիկ էին լեռան հսկա գագաթները, որոնց բարձունքից դարերով նայելով մեր հայրենիքի չորս կողմերը, կարծես հսկում էին Հայոց աշխարհը և մեզ պաշտպանում ոսոխից:

Վայրէջքը ավելի դժվար էր, քան վերելքը: Բայց դա բնավ չէր ազդում ուսանողների վրա, որոնք գագաթից ոգևորված իջնելիս կարծես մի լրացուցիչ հայրենասիրություն էին բերում իրենց հետ, որը մինչ այդ չէին զգացել: Վայրէջքի ճանապարհին հանդիպելով սառցադաշտի՝ նրանք զվարճանալով ձնագնդի խաղացին:

Քարի լիճ հասնելուն պես ուսանողներին մի նոր անակնկալ էր սպասում: Համալսարանի պրակտիկայի բաժնի ղեկավար Արմեն Լոռենց Հարությունյանը (որն ի դեպ, տաղանդավոր նկարիչ է) այդ ընթացքում հասցրել էր Արագածի մոտիվներով մի գեղեցիկ կտավ ստեղծել: Հենց Քարի լճի ափին արշավախումբը ճաշեց, իսկ որոշ սառցադիմացկուններ մի քանի րոպեով լիճը մտան ու, ի զարմանս բոլորի, լող տվեցին՝ դրանով կարծես օծվելով սրբազան լեռան ջրերով:

Բայց դա անակնկալների վերջը չէր: Տողերիս հեղինակը ուսապարկից հանեց իր հեղինակած գիրքը և այնտեղից մի հատված կարդաց Արագած լեռան ծագումնա-բանության լեգենդի մասին Այնուհետև ուսանողների քվեարկությամբ որոշվեց գիրքը որպես մրցանակ հանձնել ուս. խորհրդի նախագահ Տաթևիկին, ով առաջինն էր Հարավային գագաթ հասել:

Արդեն երեկոյան կողմ միկրոավտոբուսը Երևան էր վերադառնում Արագածի փեշերից: Ուղևորները Հյուսիսային համալսարանի ուսանողներն ու աշխատակիցներն էին` հոգնած ու ջարդված, արևից կարմրած դեմքերով, սարի քամուց դաղված մարմիններով: Բայց այդ ամենը նրանք չէին էլ զգում, քանի որ իրենց հետ բերում էին օրվա քաղցր հիշողություններ, Արագած հսկայի վեհությամբ ու շնչով տոգորված տրամադրություններ, որոնք պիտի ողջ ուսումնական տարվա ընթացքում ներկայանալի լինեն և իրենց զգացնել տան համալսարանական միջավայրում:

Արմեն Ճուղուրյան, տնտեսագիտության դոկտոր, պրոֆեսոր:

Հյուսիսային համալսարանում նշել են Գիտելիքի և դպրության օրը

 

 

september-1.1

Հյուսիսային համալսարանում առանձնահատուկ վերաբերմունք կա տոների նկատմամբ: Յուրաքանչյուր տոնի, իրադարձության կամ հիշատակի օրվա առթիվ պատրաստվում են ամենայն բծախնդրությամբ ու նշում շուքով: Դա նաև ուսանողությանը կյանքի ռիթմի մեջ պահելու, ազգային արժեքներին հաղորդակից դարձնելու լավագույն տարբերակն է, հայ քաղաքացի լինելու զգացողությունը ներարկելու միջոց:

Սեպտեմբերի մեկը՝ Գիտելիքի ու դպրության օրը, բուհում այս տարի առանձնահատուկ կերպով նշվեց: Լեփ-լեցուն դահլիճը հատկապես առաջին կուրսի ուսանողների համար էր զարդարվել ու տոնական տեսք ստացել: Ողջույնի խոսքում բուհի ռեկտոր Բորիս Մակիչյանը նշեց. <<Շնորհավորում ենք բոլոր ուսանողներին Գիտելիքի ու դպրության օրվա առթիվ: Համոզված ենք, որ մեր համալսարանն իսկապես ձեզ համար լինելու է օգտակար գիտելիքներ ձեռք բերելու լավագույն կրթօջախը, ինչի համար մենք ջանք չենք խնայել՝ կահավորելով մի շարք նոր լսարաններ, ավելի հարմարավետ դարձնելով ուսանողական միջավայրը: Նման համախմբվածություն ու ոգևորություն ակնկալում ենք տեսնել ուսումնառության ողջ ընթացքում: Հատկապես առաջին կուրսեցիներին ենք շնորհավորում, թող Հյուսիսային համալսարանը արդարացնի ձեր հույսերը, երազանքներին հասնելուհնարավորություն ընձեռի բոլորիդ>>: Բորիս Մակիչյանն իր ելույթում անդրադարձավ նաև այն հիշարժան օրերին ու տոներին, որոնք տեղի են ունեցել օգոստոս և սեպտեմբեր ամիսներին տարբեր տարիների ընթացքում: <<Առերևույթ,- նշեց հարգարժան ռեկտորը,-գուցե ընդհանուր քիչ բան կա այս բոլոր իրադարձությունների ու Գիտելիքի ու դպրության օրվա առթիվ, սակայն, մեր համոզմամբ, այդ բոլոր իրադարձություններն ու պատմական իրողությունները մեծապես նպաստեցին մեր երկրի ու մասնավորապես կրթական համակարգի զարգացմանը: Դրանցից հիշատակելի են 1990 թ. օգոստոսի 23-ին ընդունված Հայաստանի Հանրապետության Անկախության հռչակագիրը, ԼՂՀ Անկախության հռչակագիրը՝ 1991թ. սեպտեմբերի 2-ին, 1997 թվականի օգոստոսի 27-ին ընդունված հայ-ռուսական բարեկամության պատմական պայմանագիրը: Իսկ 1996 թվականին հիմնադրված Հյուսիսային համալսարանի գերակա խնդիրներից էր հայ-ռուսական կրթամշակութային կապերի ամրապնդումը, որին հետամուտ ենք եղել մեր գործունեության ողջ ընթացքում: Պատմական վերոնշյալ իրադարձությունները,- ամփոփեց խոսքը Բորիս Մակիչյանը,- գիտության ու կրթության զարգացման լուրջ երաշխիք են>>:

Միջոցառմանը ելույթ ունեցան դասախոսներ, ուսանողներ ու հյուրեր: Մասնակիցներին ողջունեց սիրված երգիչ Արսեն Գրիգորյանը, որը 2016-17 ուսումնական տարում գերազանցությամբ է ավարտել Հյուսիսային համալսարանի տնտեսագիտության ֆակուլտետի մագիստրատուրան:

Հյուսիսային համալսարանի

 լրատվության և հասարակայնության հետ կապերի բաժին


september-1.2september-1.3



Անհատ խորհրդատուի ընտրության մրցույթի հայտարարություն

Այլ հոդվածներ...

էջ 1՝ 36-ից

<< Սկիզբ < Նախորդ 1 2 3 4 5 6 7 8 9 10 Հաջորդ > Վերջ >>