Անհատ խորհրդատուի ընտրության մրցույթի հայտարարություն

Ցանցային ադմինիստրատորի ընտրության մրցույթի հայտարարություն

Հեռավար կրթության հեռանկարները Հյուսիսային համալսարանում

Հյուսիսային համալսարանը հրաժեշտ տվեց իր շրջանավարտներին

Հունիսի 30-ին համալսարանի հանդիսությունների դահլիճում տեղի ունեցավ առկա և հեռակա ուսուցման ֆակուլտետների շրջանավարտների գերազանցության դիպլոմների հանձնման և լավագույն աշխատակիցների և ուսանողների պարգևատրման հանդիսավոր արարողությունը: Միջոցառման ընթացքում ամփոփվեց ուսումնական տարին, ի մի բերվեցին կատարված աշխատանքները, պարգևատրվեցին այն դասախոսներն ու ուսանողները, ովքեր իրենց աշխատանքով և ուսումնառությամբ նպաստել են բուհի նախանշած ծրագրերի իրագործմանը:

Միջոցառմանը ներկա էին ուսանողներ, դասախոսական և վարչական կազմը, ինչպես նաև հարգարժան հյուրեր՝ ԿԳ նախարարության տեղեկատվության և հասարակայնության հետ կապերի բաժնի ղեկավար Արթուր Բաղդասարյանը, Մովսես Խորենացի համալսարանի ռեկտոր Արթուր Աղաբաբյանը և այլք:

Ռեկտոր Բորիս Մակիչյանը ողջույնի խոսքում նշեց. ՙԻնձ համար առանձնահատուկ օր է սա, քանի որ կյանք ենք ճանապարհում մեր սիրելի ուսանողներին, ամփոփում ենք մեկ տարվա ընթացքում կատարած աշխատանքները, պարգևատրում ենք լավագույն աշխատակիցներին: Իր գործունեության 21 տարվա ընթացքում Հյուսիսային համալսարանը մշտապես եղել է առաջատարների շարքերում, գործել է օրենքի սահմաններում և շուկայի պահանջներին համապատասխան կրթություն է ապահովել իր ուսանողներին: Բոլոր շրջանավարտներին բարի երթ եմ մաղթում, համոզված եմ, որ ձեր գիտելիքներով ծառայելու եք մեր երկրի հզորացման գործին, լինելու եք հրաշալի մասնագետներ ու հայրենասեր քաղաքացիներ՚: ԿԳ նախարարության տեղեկատվության և հասարակայնության հետ կապերի բաժնի ղեկավար Արթուր Բաղդասարյանը իր ողջույնի խոսքում նշեց, որ լինելով ՙԼրագրություն՚ մասնագիտության ամփոփիչ ավարտական քննության հանձնաժողովի նախագահը, բարձր է գնահատում մեր ուսանողների ձեռք բերած գիտելիքները և համոզված է, որ նրանք պահանջարկ են ունենալու աշխատաշուկայում: ՙԻնձ հայտնի է, որ այս տարի Հյուսիսային համալսարանն ավարտել է 560 ուսանող, որից 31-ը՝ գերազանցության դիպլոմով: Նրանցից յուրաքանչյուրն այստեղ ստացել է առավելագույնը՝ և մասնագիտական լուրջ կրթություն, և դասախոսական կոլեկտիվի անթերի վերաբերմունքը: Բուհի շրջանավարտներն իրենց հետ կյանք կտանեն առավելագույնը՚,- խոսքն ամփոփեց  Ա. Բաղդասարյանը:

Ամեն տարի այդ օրը հրապարակվում են բուհում սահմանված մի շարք մրցույթների արդյունքներ՝ միտված ուսման որակի բարձրացմանը, ինչպես նաև դասախոսների և վարչակազմի շրջանում աշխատանքի նկատմամբ առավել պատասխանատու վերաբերմունք ձևավորելուն:

Միջոցառման ժամանակ հրապարակվեցին ՙԼավագույն վարչական աշխատող՚, ՙԼավագույն ամբիոն՚, ՙԼավագույն դասախոս՚, ՙԼավագույն հետազոտող՚, ՙԼավագույն ասպիրանտ (հայցորդ)՚, ՙԼավագույն շրջանավարտ մասնագետ՚ մրցույթների արդյունքները:

2016–2017 ուսումնական տարվա հաղթողներն են՝

ՙԼավագույն ամբիոն՚՝ ՙՏնտեսագիտության և կառավարման՚ ամբիոն (վարիչ՝ պրոֆեսոր Ա. ճուղուրյան),

ՙԼավագույն վարչական աշխատող՚՝ Արտաքին կապերի բաժնի պետ Սյուզաննա Սարգսյան,

ՙԼավագույն դասախոս՚՝ ՙՄաթեմատիկայի, ինֆորմատիկայի և հաշվողական տեխնիկայի՚ ամբիոնի դասախոս, ֆիզմաթ. գիտ.թեկ., դոցենտ Սահակ Միրզոյան,

ՙԼավագույն հետազոտող՚՝ ՙՀայոց լեզվի, գրականության և լրագրության՚ ամբիոնի դասախոս, համալսարանի Լրատվության և հասարակայնության հետ կապերի բաժնի ղեկավար, բան. գիտ. թեկ., դոցենտ Գայանե Հակոբյան,

ՙԼավագույն ասպիրանտ՚է ՙՖինանսներ և հաշվապահական հաշվառում՚ մասնագիտության 2–րդ տարվա հայցորդ Հարություն Խալաթյան:

 

Համալսարանում ըստ մասնագիտությունների« կրթական ծրագրերի և ուսուցման ձևերի անցկացվող ՙԼավագույն շրջանավարտ մասնագետներ՚ են ճանաչվել`

ա) ՙՁեռնարկությունների տնտեսագիտություն և կառավարում (ըստ ճյուղերի)՚ մասնագիտության գծով, բակալավրի որակավորման աստիճանով՝ Անահիտ Ռաֆայելյանը (առկա ուսուցում), Լուսինե Պողոսյանը (հեռակա ուսուցում),

բ) ՙԻրավագիտություն՚ մասնագիտության գծով, բակալավրի որակավորման աստիճանով` Կատյա Գաբոյանը (առկա ուսուցում), Արփինե Պետրոսյանը (հեռակա ուսուցում) մագիստրոսի որակավորման աստիճանով` Զարուհի Մեջլումյանը,

գ) ՙՄանկավարժություն և մեթոդիկա՚ մասնագիտության գծով, բակալավրի որակավորման աստիճանով՝ Արմինե Գասպարյանը (հեռակա ուսուցում),

դ) ՙՕտար լեզու և գրականություն՚ մասնագիտության գծով, բակալավրի որակավորման աստիճանով՝ Սվետա Մակարյանը (առկա ուսուցում), մագիստրոսի որակավորման աստիճանով`Հերմինե Թաշչյանը,

ե) ՙԼրագրություն՚ մասնագիտության գծով, բակալավրի որակավորման աստիճանով՝ Բագրատ Թովմասյանը (առկա ուսուցում),

զ) ՙՀոգեբանություն՚ մասնագիտության գծով, բակալավրի որակավորման աստիճանով՝ Մարինե Հակոբյանը (առկա ուսուցում):

 

Շնորհավորում ենք բոլոր հաղթողներին:

Դիանա Սիմոնյան

Կադրերի բաժնի պետ


19620121 1971814929699348 3039273444209837051 o  

 dsc 0123  

dsc 0059 

dsc 0049 

dsc 0040 

Լավագույնը լինելու «ծանրությունը»


Յուրաքանչյուր ուսումնական տարվա վերջում բուհում ամփոփվում են ՙԼավագույնները՚ մրցույթի արդյունքները: Նախ ռեկտորի հրամանով ձևավորված հանձնաժողովը ընտրում է լավագույն աշխատակիցներին ու շրջանավարտ-մասնագետներին, այնուհետև ՙընտրյալներին՚ հաստատում է ռեկտորատը: Գուցե այլ հաստատություններում նման մրցույթները ձևական բնույթ են կրում, բայց մեր բուհում դա բացառվում է: Բավական էր հետևել այս տարվա հանձնաժողովի աշխատանքներին և պարզ կդառնար, թե որքան բծախնդիր կերպով կատարվեց ընտրությունը: Հանձնաժողովի նախագահ, պրոռեկտոր Գրիգոր Ասատրյանը հենց սկզբից ձևակերպեց ընտրության իրենց սկզբունքը. ՙՈրևէ լավ աշխատակից և ուսանող չպետք է անտեսվի: Դրանով է պայմանավորված նաև աշխատանքի և ուսման որակը բուհում: Լավագույններին խրախոսելով՝ մենք ոչ միայն կմղենք նրանց հետագայում ավելի լավ աշխատելու, այլև մյուսներին էլ կդրդենք ավելիին ձգտելու՚: Լավագույն շրջանավարտ-մասնագետներին ընտրելիս հանձնաժողովը կարևորեց ուսման բարձր առաջադիմությունը և հասարակական ակտիվությունը, բուհի առօրյային նրանց մասնակցությունն ու նախաձեռնողականությունը: Դասախոսական և վարչական կազմից ընտրվեցին ամենօրյա նվիրված աշխատանքով համալսարանի նախանշած  ծրագրերի իրականացմանը նպաստած աշխատակիցները

Հետևելով այս ընտրությանը՝ մտածում էի՝ ամեն դեպքում ծանր բան է լավագույնը լինելը: Նախ պետք է արդարացնես այս վստահությունը ամեն պահ, բոլոր հանգամանքներում, առողջ, թե տկար, ուրախ, թե տխուր: Փորձես լինել ավելին՝ ավելի լավ ՙլավագույն վարչական աշխատող՚, ավելի լավ ՙլավագույն դասախոս՚, ավելի լավ ՙլավագույն հետազոտող՚ և, անկախ նրանից, թե որ անվանակարգում ես հաղթել, պարտադիր լինես  ՙԼԱՎԱԳՈՒՅՆ ՄԱՐԴ՚…

Ուստի շնորհավորում եմ բոլոր հաղթողներին՝ մաղթելով մեծ եռանդ ու տոկունություն՝ լավագույնի ծանրությունը արժանապատվորեն ու համբերատար կրելու համար…


 1.1 

 dsc 1026  

dsc 1043

 

Այլ հոդվածներ...

էջ 1՝ 35-ից

<< Սկիզբ < Նախորդ 1 2 3 4 5 6 7 8 9 10 Հաջորդ > Վերջ >>