Հյուսիսային համալսարանը հայտարարում է մրցույթ գրադարանավարի թափուր հաստիքի համար
Վերջնաժամկետ՝ 22.08.2021թ.
Գրադարանավարի իրավունքները և պարտականությունները
- Պարտականություններ
Գրադարանավարը՝
- իրականացնում է գրադարանի ընթացիկ գործունեությունը,
- իրականացնում է Համալսարանի ընթերցակազմի սպասարկումը՝ ՀՀ բարձրագույն կրթության համակարգի, Համալսարանի պահանջներին և գրադարանավարության արդի չափանիշներին համապատասխան,
- ապահովում է գրադարանային ծառայությունների շրջանակների ընդլայնումը, մատենագիտական ռեսուրսների թվայնացումը և էլեկտրոնային գրադարանի բազայի ընդլայնումը,
- ուսումնասիրում է ընթերցողների հետաքրքրությունները և ցուցաբերում անմիջական աջակցություն՝ գրականություն որոնելու, ընտրելու, նորույթներին տեղեկացնելու գործընթացներում,
- կազմակերպում է նոր ստացված գրականության ցուցադրումը, գրքերի ցուցահանդեսներ, գրքերի նվիրաբերությանն ուղղված միջոցառումներ,
- տրամադրում է անհրաժեշտ խորհրդատվություն գրադարանից օգտվողներին,
- կատարում է ուսումնական վարչության հանձնարարականները,
- հոգածությամբ է վերաբերվում Համալսարանի հոգևոր և նյութական արժեքներին,
- պահպանում է Համալսարանի ներքին կարգապահական կանոնները և էթիկայի նորմերը:
- Իրավունքներ
Գրադարանավարն իրավունք ունի`
- մասնակցել Համալսարանին վերաբերող հարցերի քննարկմանը և լուծմանը,
- օգտվել գրադարանների տեղեկատվական պահոցների, ուսումնական և գիտական ստորաբաժանումների, ինչպես նաև սոցիալ-կենցաղային, բուժական և կառուցվածքային այլ ստորաբաժանումների ծառայություններից,
- ունենալ կազմակերպական և նյութատեխնիկական պայմաններ մասնագիտական գործունեության իրականացման համար,
- օրենքով սահմանված կարգով բողոքարկել ղեկավարության հրամանները և կարգադրությունները:
- Պատասխանատվություն
Գրադարանավարը ՀՀ օրենսդրությանը համապատասխան պատասխանատվություն է կրում՝
Համալսարանի ղեկավարության հանձնարարությունները, ինչպես նաև սույն պաշտոնի անձնագրով իրեն վերապահված պարտականությունները չկատարելու կամ ոչ պատշաճ որակով կատարելու համար,
-
- իրեն վերապահված լիազորությունների չկատարման, ոչ պատշաճ կատարման կամ վերազանցման համար,
- իր պարտականությունների կատարման ընթացքում թույլ տված իրավախախտումների համար,
- իր գործունեության կամ անգործության արդյունքում Համալսարանին նյութական վնաս պատճառելու համար:
