Working hours | |
|
|
09:30 – 17:30 | |
News
Հունիսի 25-ին Հյուսիսային համալսարանի աշխատակազմի ներկայացուցիչները աշխատանքով այցով եղան Ալավերդու «Թումանյան» բաժանմունքում։ Այցի ընթացքում ռեկտոր Մ. Մակիչյանն ու մարդկային ռեսուրսների բաժնի պետ Ս. Սարգսյանը հանդիպումներ ունեցան բաժանմունքի ղեկավար Ա.Մուկուչյանի պրոֆեսորադասախոսական և վարչական կազմի հետ։ Հանդիպումների ժամանակ քննարկվեցին բաժանմունքի կողմից իրականացված աշխատանքները, բաժանմունքի գործունեությանն առնչվող խնդիրներն ու առաջիկա անելիքները։
Այցելության ընթացքում համալսարանի եվրոպական ծրագրերի համակարգող Ա. Թամազյանը բաժանմունքի ուսանողների համար իրականցրեց գրագետ CV կազմելու և Հյուսիսային համալսարանի միջազգային ծրագրերին դիմելու վերաբերյալ վերապատրաստում։ Իսկ արդեն բաժանմունքի դասախոսների համար Ա.Թամազյանն իրականացրեց «Դասավանդման նորագույն մեթոդներ» թեմայով վերապատրաստում՝ անդրադառնալով դասավանդման մի շարք մեթոդների և գործիքների։
Բոլոր հանդիպումներն ընթացան համագործակցային և գործընկերային մթնոլորտում։ Հավելենք նաև, որ նմանատիպ հանդիպումները կրելու են շարունական բնույթ
Ամեն ինչ օրենքի սահմաններում է՝ ավարտական աշխատանքներն ու մագիստրական թեզերը մասնագիտական հանձնաժողովի սեղանին են, սահիկահանդեսները՝ ըստ էության ու բովանդակալից, բանախոսները՝ իրավագիտության ֆակուլտետի ուսանողները՝ պատրաստված իրենց կյանքի կարևոր «քննությանը»:
Այսօր իրավագիտության ֆակուլտետում սկսվեց ավարտական աշխատանքների և մագիստրական թեզերի պաշտպանությունը: Իրավագիտության ֆակուլտետի բակալավրիատի և մագիստրատուրայի առկա և հեռակա ուսուցման համակարգերի մեր հարգելի ուսանողները «պաշտպանում են» ուսումնառության ընթացքում ձեռք բերած իրենց գիտելիքները:
Սիրելի ուսանողներ, բոլորիդ մաղթում ենք հաջողություններ, թեպետ կարևորը խաղաղությունն ու առողջությունն է, բայց, կարծում ենք, ցանկալի գնահատականները ձեզ ավելի առողջ ու հոգեպես խաղաղ կդարձնեն:
Մասնագիտական հանձնաժողովի հարգելի անդամներին ու գիտական ղեկավարներին հայտնում ենք շնորհակալություն՝ համբերատար ու բարեխիղճ աշխատանքի, իսկ վարչական աշխատակիցներին՝ պաշտպանությունները ինչպես հարկն է կազմակերպելու և անցկացնելու համար:
Լրատվության և հասարակայնության հետ կապերի ուսումնապրակտիկ կենտրոն
Ինչպես տեղեկացրեց մեր հավաստի աղբյուրը՝ տնտեսագիտության կառավարման և ինֆորմատիկայի ֆակուլտետի դեկան Քրիստինե Բայրամյանը, քիչ առաջ ավարտվեցին «Կառավարում» մասնագիտության ավարտական աշխատանքների և մագիստրական թեզերի(առկա, հեռակա ուսուցում) պաշտպանությունները: Նույն աղբյուրի հավաստմամբ՝ պատասխանները եղել են հիանալիից մինչև բավարար: Մասնագիտական հանձաժողովը(նախագահ՝ պրոֆեսոր Սամվել Ավետիսյան, անդամներ՝ պրոֆեսոր Ճուղուրյան, դոցենտ Մ.Պողոսյան, դեկան Ք.Բայրամյան
Kristina BayramyanАрмен Джугурян )
ընդհանուր առմամբ գոհ է եղել պատասխաններից՝ հնարավորինս օբյեկտիվ գնահատելով ներկայացված աշխատանքները:
Շնորհավորում ենք «Կառավարում» մասնագիտության բոլոր շրջանավարտներին, մաղթում մասնագիտական վերելքներ և խաղաղ երկնքի տակ ապրելու և աշխատելու հնարավորություն: Շնորհակալություն ենք հայտնում նաև մասնագիտական հանձնաժողովի հարգարժան անդամներին և գիտական ղեկավարներին՝ բարեխիղճ ու համբերատար աշխատանքի համար:
Լրատվության և հասարակայնության հետ կապերի ուսումնապրակտիկ կենտրոն