| Working hours | |
|
|
| 09:30 – 17:30 | |
- Home
- News
News
Հյուսիսային համալսարանի ռեկտոր Ռայա Ջանինյանի և ՀՀ ԳԱԱ հիմնարար գիտական գրադարանի տնօրեն Մայա Գրիգորյանի միջև կնքված հուշագիրը կդառնա համագործակցության և փոխշահավետ գործընկերության նոր կամուրջ մեր բուհի և ՀՀ Գիտությունների ազգային ակադեմիայի միջև:
Հուշագրի շրջանակն ընդգրկուն է.
երկկողմանի հետաքրքրություն ներկայացնող գիտակրթական բնույթի ծրագրերի իրականացումգիտական, մասնագիտական գրականության, մեթոդական ձեռնարկների, աշխատությունների, պարբերականների և այլ նյութերի փոխանակումգրադարանային հավաքածուների երկկողմանի հասանելիություներկկողմանի հետաքրքրություն ներկայացնող կազմակերպչական, գիտագործնական, մասնագիտական բազմաբնույթ համագործակցություն հեղինակների հետ հանդիպումների կազմակերպում:Հյուսիսային համալսարանի ռեկտոր Ռայա Ջանինյանը բարձր գնահատեց համագործակցությունը Հայաստանի Հանրապետության գիտակրթական կարևորագույն կառույցներից մեկի հետ՝ հույս հայտնելով, որ գործնական քայլերի շնորհիվ հետզհետե կընդլայնվի փոխգործակցության շրջանակը:
ՀՀ ԳԱԱ հիմնարար գիտական գրադարանի տնօրեն Մայա Գրիգորյանը և գիտական քարտուղար Նելլի Հայրապետյանը ծանոթացան նաև բուհի գրադարանին՝ պատրաստակամություն հայտնելով պարբերաբար իրականացնել գրքերի փոխանակում:
Մեր գործընկերների համար հաճելի բացահայտում էր Հյուսիսային համալսարանում տիրող ընտանեկան մթնոլորտն ու ջերմությունը, որի շնորհիվ, ի դեպ, գործընկերները ևս հետզհետե դառնում են բարեկամ ու հարազատ:
Լրատվության և հասարակայնության հետ կապերի ուսումնապրակտիկ կենտրոն
Նոյեմբերի 15–ին ՈԱԱԿ հավատարմագրման հանձնաժողովը քննարկեց Երևանի «Հյուսիսային» համալսարանի ինստիտուցիոնալ կարողությունների վերաբերյալ ինքնավերլուծությունը և փորձագիտական զեկույցը, դիտարկեց բավարար և անբավարար գնահատված տիրույթները, փորձագետների մատնանշած ուժեղ և թույլ կողմերը, հնարավոր ռիսկերը։ Քննարկվեց նաև, թե որքանով է իրատեսական ուսումնական հաստատության բարելավման ծրագիրը։
Հավատարմագրման հանձնաժողովի որոշմամբ՝ Երևանի «Հյուսիսային» համալսարանին շնորհվեց ինստիտուցիոնալ հավատարմագրում ՝ 4 տարի ժամկետով։
Հյուսիսային համալսարանը, իր առաքելությանը հավատարիմ, կշարունակի որակյալ կադրեր պատրաստել։
Շնորհակալություն ՈԱԱԿ Հավատարմագրման հանձնաժողովին՝ վստահության և պարտավորեցնող որոշման համար։
Լրատվության և հասարակայնության հետ կապերի ուսումնապրակտիկ կենտրոն
Հյուսիսային համալսարանի Իրավաբանական կլինիկայի ուսանողները մասնակցեցին Դիլիջանում կայացած դասընթացին
Հյուսիսային համալսարանի Իրավաբանական կլինիկայի ուսանողները նոյեմբերի 11-13-ը մասնակցեցին Դիլիջանում անցկացված՝ #Փախստականների իրավունքի աշնանային դպրոցի դասընթացին, որը կազմակերպվել էր «Առաքելություն Հայաստան» ՀԿ կողմից՝ #ՄԱԿՓԳՀ աջակցությամբ։
Փախստականների իրավունքի հիմնադրույթների վերաբերյալ աշխատաժողովի ընթացքում ապագա իրավաբանների և հետազոտողների համար կարևոր դասախոսություններով հանդես եկան UNHCR Armenia / ՄԱԿ ՓԳՀ-ի և «Առաքելություն Հայաստան» ՀԿ/Mission_Armenia-ի մասնագետները, ինչպես նաև մի շարք համալսարանների իրավաբանական գիտությունների թեկնածու-դասախոսները և Հայաստանի վերաքննիչ քրեական դատարանի դատավորը։
Ուսանողները ծանոթացան #ՄԱԿՓԳՀ-ի մանդատին և գործունեությանը, կալանքի տակ գտնվող #փախստականների և #ապաստան հայցողների #պաշտպանության հիմնական սկզբունքներին, անկանոն մուտքի համար #չպատժելության սկզբունքին՝ հաշվի առնելով ՀՀ Քրեական նոր օրենսգիրքը։
Ներկայացվեցին նաև միջազգային պաշտպանության երաշխիքները արտահանձնման ընթացակարգում և երեխայի իրավունքների պաշտպանությունը #ապաստանի և #փախստականի #կարգավիճակի #որոշման համատեքստում։
Միջազգային պաշտպանության, #փախստականի կարգավիճակի և #ապաստանի տրամադրման ընթացակարգերի, ներառման, բացառման և դադարեցման դրույթների և այլ թեմաների վերաբերյալ դասախոսություններով հանդես եկան նաև ՄԱԿ ՓԳՀ-ի, ԵՊՀ-ի Իրավաբանական կլինիկայի և Միգրացիոն ծառայության փորձագետները:
Եռօրյա աշխատաժողովին մասնակցում էին Հյուսիսային համալսարանի, Երևանի պետական համալսարանի, «Գլաձոր» համալսարանի, Գավառի պետական համալսարանի, Գյումրու «Պրոգրես» համալսարանի իրավաբանական կլինիկաների ուսանողները:
