2018 թ. հուլիսի 22–29-ը «Երիտասարդական ակումբների դաշնության» (FYCA) նախաձեռնությամբ և Եվրամիության Erasmus+ ծրագրի աջակցությամբ իրականացվող International Youth Studies («Միջազգային երիտասարդական հետազոտություններ», InYouS) երկարաժամկետ ծրագրի շրջանակում Վրաստանի մայրաքաղաք Թբիլիսիում տեղի է ունեցել  HTML (How to Make Lessons for Youth Workers, «Ինչպես ստեղծել դասընթացներ երիտասարդական աշխատողների համար») դասընթաց-ծրագիրը:

Ծրագրի նպատակն էր զարգացնել  երիտասարդական աշխատողների հմտությունները, ուսումնասիրել երիտասարդական աշխատանքի մեթոդաբանությունը, ծանոթալ ոչ ֆորմալ կրթության առանձնահատկություններին և գտնել  երիտասարդական աշխատանքի ճանաչմանը նպաստող ուղիները:

Ծրագրին մասնակցում էին նաև Հյուսիսային համալսարանի արտաքին կապերի բաժնի աշխատակցուհի Նելլի Ավագյանը և տնտեսագիտության ամբիոնի վարիչ, պրոֆեսոր Արմեն Ճուղուրյանը, ով երկու ինտերակտիվ դասընթաց վարեց  մասնակիցներ համար:

Դասընթացի  ընթացքում կարևորվել է  նաև  թիմային աշխատանքը, որի միջոցով մասնակիցները զարգացրել են հաղորդակցման, բանակցելու,  վերլուծելու  և մի շարք այլ հմտություններ:

Ծրագրի կարևոր մասերից մեկը ավելի քան տասը երկրների մասնակիցների կողմից իրականացված միջմշակութային երեկոն էր, որի ընթացքում ներկայացվեցին ազգային պարեր, խոհանոց և հետաքրքիր փաստեր յուրաքանչյուր երկրի մասին:

Մասնակիցները նաև այցելեցին երիտասարդական երկու կենտրոններ Վրաստանում և ծանոթացան վերջիններիս գործունեությանը:

Ծրագրի երրորդ փուլը այժմ ընթանում է Չեխիայում, որտեղ մասնակիցները գործնականում կփորձեն կիրառել   նախորդ երկու փուլերի ընթացքում ստացած գիտելիքները: