logo-hy

  ՀՅՈՒՍԻՍԱՅԻՆ ՀԱՄԱԼՍԱՐԱՆ

heravarusucum
 
 
 
Հյուսիսային համալսարանը նոր ստորաբաժանում ունի՝ «Հեռավար ուսուցման եվ տեխնոլոգիական կառավարման բաժին», որի ղեկավարը Արփինե Ալեքսանյանն է, գլխավոր մասնագետը՝ Մարիանա Նիկոլյանը։ Թեպետ բաժնի կանոնադրությունը վերջերս է հաստատվել, իսկ աշխատակիցներն էլ ռեկտորի հրամանով դարձյալ վերջերս են «ամրագրվել» իրենց պաշտոններում, սակայն բուհում ընթացող մի շարք կարևոր աշխատանքներ՝ համալսարանի կառավարման և փաստաթղթաշրջանառության էլեկտրոնային համակարգի ներդրումը, հեռավար ուսուցման լաբորատորիայի moodle համակարգով ուսուցման կազմակերպման մի շարք կարևոր գործառույթներ մինչ այդ հաջողությամբ իրականացրել է բաժնի նորանշանակ ղեկավարը։ Նոր ստորաբաժանում ձևավորելու պահանջն առավել կարևորվեց ու դարձավ հրատապ, երբ, համավարակով պայմանավորված, բուհն անցում կատարեց առցանց կրթությանը։
Պետք է նշել, որ հեռավար ուսուցմանն առնչվող խնդիրները հաջությամբ լուծվեցին և Հյուսիսային համալսարանն առցանց տիրույթում սկզբնական շրջանի դժվարությունները պատվով հաղթահարեց նաև բաժնի այսօրվա աշխատակիցների հմուտ, գրագետ ու համակարգված աշխատանքի շնորհիվ։ Վստահ ենք, որ բուհի հեռավար ուսուցման և տեխնոլոգիական կառավարման բաժինը հետայսու ևս շարունակելու է հաջողությամբ իրականացնել իր առջև դրված նպատակներն ու խնդիրները, որոնցից են՝
1․ համակարգել համալսարանում կազմակերպվող հեռավար ուսուցման դասընթացների, էլեկտրոնային կառավարման, համակարգչային և ցանցային սպասարկումների ողջ գործընթացը,
2․ ներդնել և ծավալել նորարարական՝ առցանց կրթական գործընթաց՝ կիրառելով կրթական տեղեկատվական տեխնոլոգիաները համալսարանի բոլոր կրթական ծրագրերում և ուսուցման ձևերում,
3․ ներդնել համալսարանի կառավարման և փաստաթղթաշրջանառության էլեկտրոնային համակարգ և նպաստել բուհի կառավարման արդյունավետության, թափանցիկության բարձրացմանը։
4․ իրականացնել հեռավար ուսուցման գործընթացին նպաստող նախագծեր և այլն։
 
Հյուսիսային համալսարանի լրատվության և հասարակայնության հետ կապերի ուսումնապրակտիկ կենտրոն

Գլխավոր նորություններ

Հայտարարություններ

Առցանց վերապատրաստում Հյուսիսային համալսարանում

14.01.2021
Առցանց վերապատրաստում Հյուսիսային համալսարանում

  Հյուսիսային համալսարանի արտաքին կապերի բաժնի նախաձեռնությամբ 15.01.2021...

Հայտարարություն

23.12.2020
Հայտարարություն

ՀՀ բարձր տեխնոլոգիական արդյունաբերության նախարարության կողմից հայտարարված դրամա...