logo-hy

  ՀՅՈՒՍԻՍԱՅԻՆ ՀԱՄԱԼՍԱՐԱՆ

gr dat1 gr dat

(դատապարտյալի աթոռին Ռուբեն Թուսյանն է)
 
«Անկեղծ ասած, ինքս էլ չգիտեմ՝ ի՞նչ ընթացք կստանա դատավարությունը,-մինչ դասն սկսելը խոստովանում է գրականության դասախոս, դոցենտ Վարդուհի Դավթյանը,- որևէ սցենար չի գրվել, անգիր սովորելու համար տեքստեր չեն հանձնարարվել: Միակ պայման-պարտադրանքը դատի մասնակիցներին եղել է հիանալի ուսումնասիրել գրական երկն ու, պահպանելով իրական դատավարության կանոնները, պատրաստվել դատին՝ հնարավորինս մտնելով կերպարի մեջ»:
Ավագ դպրոցի 11-րդ դասարանի աշակերտները (Ռուբեն Թուսյան` Հեսու Միքայելյան, դատապաշտպան` Շուշան Սարգսյան, վկաներ՝ Բորիս Մակիչյան, Մոնիկա Թորգոմյան, դատախազ` Մարի Գևորգյան, հայցող՝ Դավիթ Սարգսյան, փաստաբան՝ Մանե Հարությունյան) ոչ միայն հիանալի ուսումնասիրել էին Նար-Դոսի «Սպանված աղավնին» ստեղծագործությունը, այլև «խաղում էին» ժանրի բոլոր կանոնների համաձայն: Ինքնուրույն ու համարձակ դատողություններով աչքի ընկան բոլոր մասնակիցները: Միաժամանակ հետաքրքիր էր նաև հարցադրումներին ճկուն ու տրամաբանված պատասխանելու, արագ կողմնորոշվելու և ներկայացված փաստարկներին անմիջապես հակափաստարկներ բերելու նրանց ունակությունը: Գրական դատի ընթացքում դատավորի անկրկնելի կերպարով ներկայացավ դասախոս, դոցենտ Վ. Դավթյանը, որն էլ ներկայացրեց խիստ դատավճիռ՝ արժանանալով դատավարության ներկաների ծափահարություններին:
«Իսկապես ստացված ու հիանալի դաս էր,-իր տպավորությունները կիսեց համալսարանի ուսումնահետազոտական և միջազգայնացման գծով պրոռեկտոր Լ. Ֆլջյանը ,-հատկապես տպավորիչ էր աշակերտների ինքնուրույն ու ազատ մտածողությունը, համարձակ պահվածքը, խոսքի պատճառահետևանքային կապը: Մասնակցելով գրական դատին՝ կարող եմ ասել՝ ի դեմս մեր աշակերտների կյանք կմտնի այնպիսի սերունդ, որը պահանջատեր կլինի նաև ազգային արժեքները պահել-պաշտպանելու հարցում»:
Հ.Գ. Առանձնահատուկ շնորհակալություն ենք հայտնում նաև դասախոս Վարդուհի Դավթյանին: Աշակերտներին մտածել սովորեցնելը, ինքնավստահություն ներշնչելը, գրագետ հաղորդակցվելու հմտությունները ձևավորելը իսկապես իր գործի գիտակ ու բանիմաց մանկավարժին բնորոշ գիծ է:
 
Լրատվության և հասարակայնության հետ կապերի ուսումնապրակտիկ կենտրոն

Գլխավոր նորություններ

Հայտարարություններ

Հայտարարություն բուհերի միջազգայնացման հարցերով պատասխանատուների համար

13.01.2022
Հայտարարություն բուհերի միջազգայնացման հարցերով պատասխանատուների համար

Հարգելի գործընկերներ   Լեհաստանի Լեշնոյի համալսարանը 2022 թվականի մայիսի 9...

Մրցույթ դասախոսների թափուր հաստիքի համար

21.12.2021
Մրցույթ դասախոսների թափուր հաստիքի համար

  Հյուսիսային համալսարանը հայտարարում է մրցույթ դասախոսների թափուր հաստիքի...