Հյուսիսային համալսարանը հայտարարում է մրցույթ Որակի ապահովման վարչության մասնագետի թափուր պաշտոնի համար.

Հիմնական պարտականությունները՝

• Որակի ապահովման վարչության պետի ղեկավարությամբ իրականացնում է վարչության ընթացիկ գործունեությունը, ապահովում է վարչության առջև դրված նպատակների և խնդիրների իրականացումը,
• մասնակցում է համալսարանի որակի ներքին ապահովման /ինքնավերլուծություն/ գործընթացին,
• մասնակցում է համալսարանի որակի արտաքին ապահովման /փորձաքննություն/ գործընթացին,
• Որակի ապահովման գործընթացները կարգավորող փաստաթղթերի թարգմանություն,
• իրականացնում է աշխատանքի անհատական պլանով և աշխատանքային պայմանագրերով ստանձնած պարտականությունները:

Պահանջվող ունակություններ և գիտելիքներ՝

• Բարձրագույն կրթություն, ցանկալի է կրթության կառավարման ոլորտում,
• ՀՀ Սահմանադրության, կրթության ոլորտին վերաբերող ՀՀ նորմատիվ իրավական ակտերի, Բոլոնյան գործընթացը կարգավորող իրավական ակտերի իմացություն,
• անգլերեն և ռուսերեն լեզուների գերազանց իմացություն ,
• համակարգչային գիտելիքներ (Word, Excel, Power Point)

Դիմելու վերջնաժամկետը՝

3  հոկտեմբերի 2018թ.

Հասցե` Երևան, Ալեք Մանուկյան 15^ա:

Վերոնշյալ պահանջներին համապատասխանող թեկնածուներին խնդրում ենք ինքնակենսագրականներն ուղարկել  հետևյալ էլ. հասցեին՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։:

Լրացուցիչ տեղեկությունների համար զանգահարել, 010 55 40 56, 093 50 14 11, 093 23 37 46

Հրատարակված՝ 25.09.2018

Հյուսիսային համալսարանի գիտական հետազոտությունների, նորարարական ծրագրերի և հետբուհական մասնագիտական կրթության կենտրոնը համալսարանի դասախոսներին օգնելու նպատակով պատրաստել է «Հուշաթերթ Հյուսիսային համալսարանի դասախոսի անհատական աշխատանքի պլանի մշակման համար»։
«Հուշաթերթը» կարող է օգտակար լինել համալսարանի դասախոսների 2018-2019 ուսումնական տարվա անհատական աշխատանքի պլանը կազմելիս՝ ուստի այն Ձեզ ենք տրամադրում՝ հնարավոր օգտագործման համար։


 ՀՅՈՒՍԻՍԱՅԻՆ ՀԱՄԱԼՍԱՐԱՆԻ ԱՄԲԻՈՆԻ 2018-2019 ՈՒՍՈՒՄՆԱԿԱՆ ՏԱՐՎԱ
 ՀԵՏԱԶՈՏԱԿԱՆ ԱՇԽԱՏԱՆՔԻ ՊԼԱՆԻ ՄՇԱԿՄԱՆ ՈՒ ԻՐԱԿԱՆԱՑՄԱՆ ՀՈՒՇԱԹԵՐԹ

Հրատարակված՝ 20.09.2018

Հնարավորություն է տրվում մասնակցելու միջազգային փոխանակման ծրագրին

2018թ. Երևանի Հյուսիսային համալսարանը «Erasmus+» ծրագրի շրջանակներում համագործակցության պայմանագիր է կնքել Լեհաստանի Ժեշուվի համալսարանի հետ՝ 2018-2021թթ. ընկած ժամանակահատվածի համար:

Ժեշուվի համալսարանը հիմնադրվել է 2001թ.: Ունի 12 ֆակուլտետ, մոտ 22.000 ուսանող և ավելի քան 2000 աշխատող:

Համագործակցության շրջանակներում նախատեսվում է ուսանողների և դասախոսների փոխանակում 2 համալսարանների միջև «Կառավարում»,  «Օտար լեզուներ»,  «Իրավագիտություն» մասնագիտությունների գծով:

Առաջիկայում նախատեսվում է միայն 1 դասախոսի փոխանակում:

Փոխանակման ծրագրին դիմած մասնակիցները ընտրվելու են մրցութային հիմունքներով՝ նախապես ձևավորված հանձնաժողովի կողմից:

Մրցույթին մասնակցել ցանկացող դասախոսները կարող են իրենց ինքնակենսագրականները (CV) ներկայացնել արտաքին կապերի բաժին մինչև 25.09.2018թ.:

Հրատարակված՝ 17.09.2018