Հայտարարություններ

Anna Astvacaturyan

Հյուսիսային համալսարանի հարգելի ուսանողներ, դասախոսներ, լայն հանրության ներկայացուցիչներ

Ս.թ. սեպտեմբերի 25-ին, ժամը 15.00-17.00, Հյուսիսային համալսարանի ուսանողների (նախ և առաջ՝ իրավագիտության ֆակուլտետի ուսանողների), դասախոսների և հանրության այլ ներկայացուցիչների համար ZOOM հարթակում բաց դասախոսություն կկարդա ամերիկահայ գրող, հասարակական գործիչ և ակտիվիստ, իրավագիտության դոկտոր, ԱՄՆ Ուեստբրուկ քաղաքի քաղաքային խորհրդի փոխնախագահ Աննա Աստվածատուրյան Թերքոթը:

Դասախոսության թեման է՝ «Արցախի հայության դրությունը մարդու իրավունքների և միջազգային իրավունքի տեսանկյունից. Բաքվի հայերը՝ մոռացված փախստականներ, և հայկական Սփյուռքի քաղաքական աջակցությունը Արցախին»:

Աննա Աստվածատուրյան Թերքոթը դասախոսությունը կկարդա ռուսերենով:

Դասախոսության ինտերակտիվությունը պահպանելու, մասնակիցների հետ առցանց շփման բարձր մակարդակ ապահովելու համար ունկնդիրների թիվը սահմանափակ է՝ շուրջ 60 մասնակից:

Գրանցվելու համար խնդրում ենք էլ․ նամակ ուղարկել (նշելով անուն, ազգանունը, ուսումնական կամ այլ հաստատությունը, պաշտոնը, հեռախոսի համարը և էլեկտրոնային հասցեն ) Հյուսիսային համալսարանի եվրոպական ծրագրերի պատասխանատու Անի Թամազյանին Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ հասցեով՝ նամակի «թեմա» բաժնում նշելով Աննա Աստվածատուրյանի գրքի վերնագիրը՝ «Արտաքսման մի պատմություն» կամ «Nowhere, A story of Exhile» կամ էլ «Изгнание в никуда»:

Դասախոսության մասնակիցը դառնալու համար կարող եք գրանցվել մինչև ս.թ. սեպտեմբերի 20-ը ներառյալ: Ս.թ. սեպտեմբերի 21-ից 22-ը բոլոր գրանցված մասնակիցները կստանան նամակ՝ դասախոսության մասնակցության համապատասխան հղումով:

: Հրատարակված՝ 11.07.2020

unnamed

Հարգելի ուսանողներ,
այսուհետև ձեզ անհրաժեշտ մասնագիտական գրականության էլեկտրոնային տարբերակները կարող եք ձեռք բերել՝ դիմելով
Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ հասցեով: Մեր աշխատակիցը ձեզ կուղարկի պահանջված գրականությանը լինկը կամ PDF տարբերակը սեղմ ժամկետում:
Հավելենք, որ Հյուսիսային համալսարանի մասնագիտական գրականության էլեկտրոնային պաշարները մշտապես համալրվում են՝ նկատի ունենալով ուսանողների պահանջները:

: Հրատարակված՝ 27.06.2020

School 01

Հյուսիսային համալսարանը հայտարարում է մրցույթ մաթեմատիկայի, ինֆորմատիկայի և հաշվողական տեխնիկայի ամբիոնի վարիչի տեղակալի պաշտոնի համար:

Պաշտոնին ներկայացվող պահանջներ՝

ունենա գիտական աստիճան և/կամ գիտական կոչում, առնվազն 5 տարվա գիտամանկավարժական աշխատանքի փորձ,
իմանա ՀՀ Սահմանադրությունը, կրթության ոլորտին վերաբերող ՀՀ նորմատիվ իրավական ակտերը, Համալսարանի կանոնադրությունը, կարգերը, ներքին կարգապահական կանոնները և այլ իրավական ակտեր,
իմանա ամբիոնի մասնագիտական կրթական ծրագրերի բարելավմանը միտված առաջավոր փորձը և մեթոդաբանությունը, գիտահետազոտական ուղղությունների իրականացման հիմնական ձևերը,
տիրապետի առնվազն 2 օտար լեզվի,
տիրապետի տեղեկատվական հաղորդակցական տեխնոլոգիաներով աշխատելու հմտություններին (Microsoft Word, Excel, Power Point ծրագրերին):

Դիմումի ընթացակարգ

Մրցույթին մասնակցել ցանկացող թեկնածուներին խնդրում ենք բեռնել դիմումի ձևը, լրացնել և ուղարկել Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ հասցեին` նամակի թեմա (subject) դաշտում անպայման նշելով՝ «Ամբիոնի վարիչի տեղակալ»: Նշենք, որ հարցազրույցի կհրավիրվեն պահանջվող չափանիշներին համապատասխան և նախնական ընտրությունն անցած թեկնածուները։

Դիմումների ընդունման վերջնաժամկետն է՝ 25.06.20թ.:

: Հրատարակված՝ 31.05.2020

interforum

Սիրելի ուսանողներ հրավիրում ենք Ձեզ մասնակցելու «Եվրասիական տարածաշրջան» թեմայով միջազգային ֆորումին, որը տեղի կունենան 2020 թվականի սեպտեմբերի 22-24 Մոսկվայում։ Ֆորումի կազմակերպիչներն են Հումանիտար գիտությունների պետական ակադեմիական համալսարանը և Միջտարածաշրջանային փորձագիտական կենտրոնը:

Ֆորումին կարող են մասնակցել 18-ից 35 տարեկան երիտասարդ տնտեսագետներ, քաղաքագետներ, դիվանագետներ, պատմաբաններ, կառավարիչներ, դիտորդներ և լրագրողներ Եվրասիական տնտեսական միության երկրներից (Հայաստան, Բելառուս, Ղազախստան, Ղրղզստան, Ռուսաստան):

Միջոցառման շրջանակներում կանցկացվի «ԵՏՄ միջազգային մոդելը» բիզնես խաղը, «Մեծ Եվրասիա - 2030» գիտաժողովը, ինչպես նաև տեղի կունենա մեդիա- մրցանակի շնորհանդես:

ֆորումի շրջանակներում կլինեն մի շարք դասախոսություններ և վարպետության դասեր տնտեսագիտության, միջազգային հարաբերությունների, լրագրության և գիտական գործունեության ոլորտի առաջատար մասնագետների կողմից:

Մրցույթի հաղթողները կընտրվեն պրոֆեսիոնալ ժյուրիի կողմից և կստանան դրամաշնորհ:

Հայտերի ընդունման վերջնաժամկետն է 2020 թվականի հուլիսի 1-ը: Մանրամասների համար էլ ․ նամակ ուղարկեք Հյուսիսային համալսարանի արտաքին կապերի բաժին Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ հասցեով, թեմա բաժնում նշելով «Եվրասիական տարածաշրջան»։

: Հրատարակված՝ 21.05.2020

apaga

«Հորիզոն-2100» գիտական, գիտագործնական և գիտաֆանտաստիկ աշխատանքների առցանց միջազգային մրցույթ՝ նախաձեռնած Ռուսաստանի ապագայի մոդելավորման կենտրոնի կողմից:

Հորիզոն-2100-ը միացել է ՄԱԿ-ի Գլխավոր ասամբլեայի քննարկմանը՝ «Համակողմանի համագործակցության դերը մոլորակի ապագայի կառուցման գործում» թեմայով: Մրցույթի արդյունքները ներկայացվելու են 2020 թվականի սեպտեմբերին:

Մրցույթին հրավիրվում են մասնակցելու 16- 26 տարեկան երիտասարդներ, որոնք իրականացնում են գիտական, գիտագործնական գործունեություն կամ զբաղված են գրական-գիտաֆանտաստիկ ստեղծագործական աշխատանքներով:

Հորիզոն 2100 միջազգային երիտասարդական նախագիծը միացել է ՄԱԿ-ի Գլխավոր ասամբլեային 2020 թվականին:

Մրցույթն անցկացվում է հետևյալ երեք անվանակարգերում.

Մինչև 2045 թվականը (2045 թվականին ՄԱԿ-ը նշելու է իր կազմավորման 100-ամյակը) աշխարհին սպառնացող վտանգների հաղթահարմանը կամ մարդկության կայուն ապագայի կառուցմանը միտված լավագույն գիտական, գիտահետազոտական կամ ճարտարագիտական ստարտափ:
2100 թվականի շրջադարձին Մոլորակի և մարդկության զարգացման գիտական տեսլականն արտացոլող և դրա տարաբնույթ սցենարների զարգացմանն ուղղված լավագույն գիտական հոդված, գիտահետազոտական և գիտագործնական աշխատանք,
2100 թվականի շրջադարձին ապագայի երևակայելի նորարական և ինքնատիպ գաղափարներ, իրադարձություններ, երևույթներ նկարագրող լավագույն գիտաֆանտաստիկ աշխատանք՝ պատմվածք, ակնարկ, ռեպորտաժ:

Նախագծի պաշտոնական լեզուներն են ռուսերենը և անգլերենը:

Մրցույթի անցկացման ժամկետներն են՝

աշխատանքների ընդունման վերջնաժամկետ՝ 31 մայիս 2020,
աշխատանքների փորձաքննություն՝ 2020 թվականի հունիսի 1-ից հունիսի 25-ը,
մրցույթի արդյունքների ամփոփում, հաղթողների որոշում և հաղթողների շնորհանդես՝ հուլիսի 26-ից մինչև 30-ը:

Մրցույթի եզրափակիչ միջոցառումներ

Մրցույթի հաղթողները կհրավիրվեն մասնակցելու «Ապագան միասին ձևավորենք» միջազգային երիտասարդական ֆորումին, որի ընթացքում կհանձնվեն դիպլոմները: Ֆորումի անցկացման ժամկետը՝ 2020 թվականի հուլիս-օգոստոս: Հստակ ժամկետները կհայտարարվեն COVID-19 համավարակի հետ կապված իրավիճակի կայունացումից հետո:
«Հորիզոն-2100» մրցույթի գլխավոր հաղթողը կհրավիրվի Նյու Յորք՝ մասնակցելու ՄԱԿ-ի 75-րդ Գլխավոր ասամբլեայի միջոցառումներին ս.թ. սեպտեմբերի 19-ից 23-ը:
Եզրափակիչ փուլ անցածների աշխատանքները կհրապարակվեն Ապագայի մոդելավորման կենտրոնի գիտական աշխատանքների տեղեկատուի մեջ, ինչպես նաև Գիտաֆանտաստիկ ստեղծագործությունների գրական ալմանախում մինչև ս.թ. հոկտեմբերի 30-ը:

Մրցույթին ավելի մանրամասն կարող եք ծանոթանալ նախագծի կայքում:

Ռուսերեն տարբերակ՝ https://www.futurible.space/?p=2031

Заявка для скачивания: Анкета-Заявка (скачать)

Անգլերեն տարբերակ - https://www.futurible.space/?p=2038

Հղում դիմումի ներբեռնման համար՝ Հայտի ձևանմուշ (download)

Հայտի ներբեռնման անհնարինության դեպքում կազմակերպիչները տրամադրում են հայտի էլեկտրոնային տարբերակները: Հայտերի և էլեկտրոնային տարբերակների համար նամակ ուղարկել՝

Անգլերենով՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։

Ռուսերենով՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։

Նախագծի համակարգողներ՝

Անակա Սաթիշ /ռուսերեն, անգլերեն, հինդի/

Պենկա Դոնևա /բուլղարերեն, ռուսերեն, անգլերեն/

Ալիսա Շաֆիկովա /ռուսերեն, անգլերեն/

Մրցույթի կազմակերպիչ՝ Ապագայի մոդելավորման կենտրոն /Ռուսաստան/

https://www.futurible.space/