Նորություններ - Հյուսիսային համալսարան

HAVATARMAGRUM

Նոյեմբերի 15–ին ՈԱԱԿ հավատարմագրման հանձնաժողովը քննարկեց Երևանի «Հյուսիսային» համալսարանի ինստիտուցիոնալ կարողությունների վերաբերյալ ինքնավերլուծությունը և փորձագիտական զեկույցը, դիտարկեց բավարար և անբավարար գնահատված տիրույթները, փորձագետների մատնանշած ուժեղ և թույլ կողմերը, հնարավոր ռիսկերը։ Քննարկվեց նաև, թե որքանով է իրատեսական ուսումնական հաստատության բարելավման ծրագիրը։
Հավատարմագրման հանձնաժողովի որոշմամբ՝ Երևանի «Հյուսիսային» համալսարանին շնորհվեց ինստիտուցիոնալ հավատարմագրում ՝ 4 տարի ժամկետով։

Հյուսիսային համալսարանը, իր առաքելությանը հավատարիմ, կշարունակի որակյալ կադրեր պատրաստել։

Շնորհակալություն ՈԱԱԿ Հավատարմագրման հանձնաժողովին՝ վստահության և պարտավորեցնող որոշման համար։

Լրատվության և հասարակայնության հետ կապերի ուսումնապրակտիկ կենտրոն

: Հրատարակված՝ 16.11.2022

irav.klinika1 irav.klinikaa

Հյուսիսային համալսարանի Իրավաբանական կլինիկայի ուսանողները նոյեմբերի 11-13-ը մասնակցեցին Դիլիջանում անցկացված՝ #Փախստականների իրավունքի աշնանային դպրոցի դասընթացին, որը կազմակերպվել էր «Առաքելություն Հայաստան» ՀԿ կողմից՝ #ՄԱԿՓԳՀ աջակցությամբ։

Փախստականների իրավունքի հիմնադրույթների վերաբերյալ աշխատաժողովի ընթացքում ապագա իրավաբանների և հետազոտողների համար կարևոր դասախոսություններով հանդես եկան UNHCR Armenia / ՄԱԿ ՓԳՀ-ի և «Առաքելություն Հայաստան» ՀԿ/Mission_Armenia-ի մասնագետները, ինչպես նաև մի շարք համալսարանների իրավաբանական գիտությունների թեկնածու-դասախոսները և Հայաստանի վերաքննիչ քրեական դատարանի դատավորը։

Ուսանողները ծանոթացան #ՄԱԿՓԳՀ-ի մանդատին և գործունեությանը, կալանքի տակ գտնվող #փախստականների և #ապաստան հայցողների #պաշտպանության հիմնական սկզբունքներին, անկանոն մուտքի համար #չպատժելության սկզբունքին՝ հաշվի առնելով ՀՀ Քրեական նոր օրենսգիրքը։

Ներկայացվեցին նաև միջազգային պաշտպանության երաշխիքները արտահանձնման ընթացակարգում և երեխայի իրավունքների պաշտպանությունը #ապաստանի և #փախստականի #կարգավիճակի #որոշման համատեքստում։

Միջազգային պաշտպանության, #փախստականի կարգավիճակի և #ապաստանի տրամադրման ընթացակարգերի, ներառման, բացառման և դադարեցման դրույթների և այլ թեմաների վերաբերյալ դասախոսություններով հանդես եկան նաև ՄԱԿ ՓԳՀ-ի, ԵՊՀ-ի Իրավաբանական կլինիկայի և Միգրացիոն ծառայության փորձագետները:

Եռօրյա աշխատաժողովին մասնակցում էին Հյուսիսային համալսարանի, Երևանի պետական համալսարանի, «Գլաձոր» համալսարանի, Գավառի պետական համալսարանի, Գյումրու «Պրոգրես» համալսարանի իրավաբանական կլինիկաների ուսանողները:

: Հրատարակված՝ 14.11.2022

Հայաստանի թվային գրադարանների ասոցիացիան EBSCO ընկերության հետ համատեղ ս. թ. հոկտեմբերի 15-ից դեկտեմբերի 15-ը հայաստանյան գիտակրթական հաստատություններին տրամադրում են EBSCO Premier Package-ի գիտական և գիտակրթական 11 էլեկտրոնային շտեմարանների անվճար հասանելիություն:

Շտեմարաններում ընդգրկված են ինչպես միջգիտակարգային (Academic Search™ Premier, MasterFile™ Premier), այնպես էլ թեմատիկ ռեսուրսներ (Business Source® Premier, MEDLINE®,Education Resources Information Center և այլն):

* Academic Search™ Premier, Business Source® Premier

* MasterFile™ Premier

* Newspaper Source™

* Regional Business News

* MEDLINE®

* Health Source®: Academic Edition

* Health Source®: Consumer Edition

* ERIC® (Education Resources Information Center)

* Library, Information Science & Technology Abstracts™ (LISTA)

*GreenFILE™.

Նշված ռեսուրսների հասանելիությունն ապահովված է անսահմանափակ թվով միաժամանակ օգտագործողների համար տեղական ցանցում (ԵՀՀ համակարգիչներից՝ IP հասցեների միջոցով):

Լրացուցիչ տեղեկությունների համար կարող եք անցնել հետևյալ հղումներով՝