logo-hy

  ՀՅՈՒՍԻՍԱՅԻՆ ՀԱՄԱԼՍԱՐԱՆ

varda

 

«Սեր առաջին բայթից». այսպես են բնութագրել zoom հարթակի հիմնադիրներն իրենց առաջին առցանց հանդիպումներից մեկը՝ նկատի ունենալով դրա տեխնիկական բարձր որակը, կոնֆերանսի արդյունավետությունն ու մասնակիցների ակտիվությունն ու հիացմունքը: Սխալված չենք լինի, եթե կրկնենք նույնը: Հունիսի 22-ից բուհի բոլոր ֆակուլտետներում բակալավրիատի և մագիստրատուրայի հեռակա բաժիններում առցանց ուսուցումը կազմակերպվում է բացառապես zoom հավելվածի միջոցով: Դասերն ընթանում են ըստ դասացուցակների, դեկանատի աշխատակիցները պարբերաբար նշում են բացակաների անունները՝ պարզելու առցանց տիրույթում նրանց անհասանելության պատճառները և անհրաժեշտության դեպքում օգնություն ցուցաբերելու համար: Ուսանողները, հաղթահարելով հեռավար ուսուցման սկզբնական շրջանի տեխնիկական և այլ բնույթի դժվարություններ, արդեն իրենց տանտերեր են զգում՝ օգտագործելով հավելվածի մի շարք հնարավորություններ: Ուրախությամբ պետք է նշել , որ առցանց ուսուցումը խթանել է նաև բազմաթիվ ուսանողների՝ հետազոտական, ինքնուրույն աշխատանքներ կատարելու ունակությունը: Առաջիկայում կանցկացվեն նաև բաց դասեր:

avartakan pasht

Հյուսիսային համալսարանի կյանքում մի կարևոր փուլ ևս ամփոփվեց հաջողությամբ։ Ավարտական աշխատանքների և մագիստրական թեզերի առցանց պաշտպանությունը, կարելի է ասել,  յուրօրինակ քննություն էր բուհի ղեկավարության, դասախոսական և ուսանողական կազմի համար՝ արտակարգ դրության մեջ արագորեն կողմնորոշվելու, ինքնակազմակերպվելու, բոլոր ռեսուրսները լիարժեքորեն օգտագործելու, նոր ու արդյունավետ լուծումներ գտնելու, կառավարչական բոլորովին այլ որակներ դրսևորելու առումով։ Հենց այս  հատկությունների շնորհիվ հնարավոր եղավ երեք ամիս շարունակ հեռավար կրթության մի շարք տարբերակներ կիրառել՝  բուհում կրթության շարունակականությունը ապահովելու, բավարար արդյունք ստանալու  համար։  Եվ եթե սկզբնական շրջանում ընդունելի էին և հաջողությամբ կիրառվեցին հաղորդակցման  հասանելի տարբերակները՝ viber, messenger, zoom, էլեկտրոնային փոստ, այսօր արդեն ռեկտոր Մհեր Մակիչյանի հրամանով հեռակա ուսուցումը կազմակերպվում է բացառապես zoom հավելվածի միջոցով, որում  ներգրավված են բակալավրիատի և մագիստրատուրայի բոլոր ուսանողները։

Գաղտնիք չէ, որ համաճարակային իրավիճակով պայմանավորված արտակարգ դրություն սահմանելուց հետո հատկապես կրթական համակարգում հարկ եղավ արագորեն վերակազմակերպվելու, ընդունելու առցանց կրթության մարտահրավերները, մշակելու կամ էլ յուրացնելու ուսուցման նոր մեթոդաբանություն, տիրապետելու  տեղեկատվական տեխնոլոգիաների՝ հեռավար կրթության կազմակերպման անհրաժեշտ միջոցներին և այդ ամենը կյանքի կոչել համառությամբ ու ստեղծագործական մոտեցմամբ։ Իսկ այսօր, երբ համալսարանում արդեն իսկ ամփոփվել է 2020 ուսումնական տարվա առկա կրթության երկրորդ կիսամյակը, երբ բոլոր ֆակուլտետներում հաջողությամբ իրականացվել են ավարտական աշխատանքների և մագիստրական թեզերի պաշտպանությունները, կարող ենք փաստել, որ  Հյուսիսային համալսարանը հաջողությամբ ու պատվախնդրորեն հաղթահարեց առցանց ուսուցման առաջադրած մարտահրավերները,  և հիմա արդեն առավել համակարգված, միասնական, վերահսկելի ու հաշվետվողականությունն ապահովող կրթություն է իրականացնում zoom հավելվածով հեռակա ուսուցման բակալավրիատի և մագիստրատուրայի ուսանողների համար։

Փաստենք նաև, որ դրամաշնորհային ծրագրով բուհում ձևավորված հեռավար ուսուցման moodle համակարգով ևս ուսուցում  է կազմակերպում տնտեսագիտության ֆակուլտետի ուսանողների համար։ Բուհի տեխնիկական անձնակազմի բարեխիղճ ու սրտացած աշխատանքի շնորհիվ հնարավոր եղավ վերականգնել դեռևս մարտի սկզբին հակերային հարձակումից վնասված moodle համակարգում ներդրված շտեմարանների հսկայական պաշարը և շարունակել կրթությունն այդ հավելվածով։ Առաջիկայում  դրանում կներգրավվեն նաև համալսարանի մյուս ֆակուլտետների ուսանողները։

Եվ այս ամբողջ ընթացքում անընդհատ շնորհակալական նամակներ ենք ստացել համալսարանի, բժշկական քոլեջի ուսանողներից,  ավագ դպրոցի սաներից ու  նրանց ծնողներից` դասախոսներին և բուհի ղեկավարությանն ուղղված ջերմ խոսքերով։ Ուստի մենք էլ մեկ անգամ ևս շնորհակալություն ենք հայտնում բարեխիղճ, սրտացավ ու հմուտ դասախոսներին՝ նոր մարտահրավերներին հաջողությամբ դիմակայելու և դրանցից հաղթանակած դուրս գալու համար։ Ուսանողներին՝  պարտաճանաչության, ուսումնատենչության ու իրենց ներուժը հնարավորինս բացահայտելու համար։ Բոլոր ստորաբաժանումների ղեկավարներին ու աշխատակիցներին (պրոռեկտորներ, դեկաններ՝ իրենց օգնականներով, ամբիոնի վարիչներ, տեխնիկական անձնակազմ, ուսումնական վարչություն, որակի ապահովման վարչություն, շրջանավարտների կարիերայի ու պրակտիկայի կենտրոն)՝ կազմակերպչական անթերի մոտեցման ու բոլոր հարցերում դասախոսների և ուսանողների կողքին լինելու համար։ Շնորհակալություն ենք հայտնում նաև բուհի ղեկավարությանը՝ ուսանողա- և դասախոսակենտրոն մոտեցման,  վարչարարական արդյունավետ լուծումների  և ծագած խնդիրները շուտափույթ հարթելու համար։ Թերևս նաև սա է Հյուսիսային համալսարանի հաջողության գաղտնիքը՝ համախմբվել նպատակի շուրջ և ներդնել բոլոր ուժերը՝ հանուն այդ նպատակի իրագործման՝ ի շահ յուրաքանչյուրի։

                                                                                                                                                                                                                              Լրատվության և հասարակայնության հետ կապերի բաժին

 

tnt1      tnt2

Տնտեսագիտության  կառավարման ու ինֆորմատիկայի ֆակուլտետում ընթանում է  ավարտական աշխատանքների ու մագիստրական թեզերի առցանց պաշտպանությունը: Լինելով համալսարանի առաջատար ու կազմակերպված  ֆակուլտետներից մեկը՝ այս պատասխանատու և բախտորոշ պահին էլ դրսևորվում են ստորաբաժանման և աշխատակիցների, և սովորողների  լավագույն կողմերը: Պաշտպանությունն անցկացվում է ընդունված կարգի համաձայն՝ հանձնաժողովի անդամները ուսումնասիրում են ուսանողների սահիկահանդեսները, այնուհետև վերջիններս հանգամանալից  ելույթով մանրամասնում են իրենց ուսումնասիրությունների ու հետազոտական աշխատանքների ընթացքի ու արդյունքների մասին: Գնահատելիս կարևորվում են նաև ավարտական աշխատանքների ու մագիստրական թեզերի ղեկավարների ու ընդդիմախոսների կարծիքները:

Տեխնիկական անթերի սպասարկումը, հանձնաժողովի անդամների անաչառ, բայց և սրտացավ վերաբերմունքը առցանց հարթակում ստեղծել է  փոխըմբռնման, գիտելիքների դրսևորման այնպիսի մթնոլորտ, որն առհասարակ  բնորոշ է տնտեսագիտության  կառավարման ու ինֆորմատիկայի ֆակուլտետին: 

 

Հյուսիսային համալսարանի լրատվության և հասարակայնության հետ կապերի բաժին

Հայտարարություններ

Հայտարարություն համալսարանի ուսանողների և դասախոսների համար

14.10.2020
Հայտարարություն համալսարանի ուսանողների և դասախոսների համար

Հարգելի ուսանողներ և դասախոսներ,   Կրթության, գիտության, մշակույթի և սպորտ...

Թափուր աշխատատեղ/ Ֆակուլտետների դեկանների մրցույթ

13.10.2020
Թափուր աշխատատեղ/ Ֆակուլտետների դեկանների մրցույթ

Հյուսիսային համալսարանը հայտարարում է հետևյալ ֆակուլտետների դեկանների մրցույթ՝...

Գլխավոր նորություններ