logo-hy

  ՀՅՈՒՍԻՍԱՅԻՆ ՀԱՄԱԼՍԱՐԱՆ

Asatryan        

Արդի երիտասարդության դաստիարակության գործում գիտության  դերին նվիրված կլոր սեղան՝ Հյուսիսային համալսարանի ներկայացուցիչների մասնակցությամբ

 

2019 թ. մարտի 21-ին Երևանում Ռուսաստանի գիտության և մշակույթի կենտրոնում անցկացվեց կլոր սեղան՝ նվիրված արդի երիտասարդության  դաստիարակության գործում գիտության դերի պարզաբանման ու իմաստավորման խնդիրներին:

Կլոր սեղանին մասնակցում էին Հայաստանում ռուսաստանյան բուհերի, Խ. Աբովյանի անվան հայկական պետական մանկավարժական համալսարանի ՀՀ ԳԱԱ միջազգային գիտակրթական կենտրոնի ուսանողներ և պրոֆեսորադասախոսական կազմի ներկայացուցիչներ:

Միջոցառմանը հրավիրված էր Հյուսիսային համալսարանի պատվիրակությունը, որի կազմում էին բուհի գիտական հետազոտությունների, նորարարական ծրագրերի և հետբուհական մասնագիտական կրթության կենտրոնի ղեկավար Գրիգոր Ասատրյանը, ռուսաց լեզվի դասախոս Քնարիկ Ջիլավյանը, ուսանողներ Անի Ալեքսանյանը (իրավագիտության ֆակուլտետ, 2-րդ կուրս), Պողոս Ստամբուլյանը (իրավագիտության ֆակուլտետ, 2-րդ կուրս), Լիլիթ Ներսեսյանը (հոգեբանության ֆակ., 2-րդ կուրս), Սյուզաննա Պարսումյանը (իրավ. ֆակուլտետ, 4-րդ կուրս), Էռնեստ Գուլանյանը (տնտ. և կառավ. ֆակուլտետ, 4-րդ կուրս), Լիանա Այվազյանը (օտար լեզվի և գրակ. ֆակուլտետ, 4-րդ կուրս), համալսարանի բժշկական քոլեջի  առաջին կուրսի սովորողներ Սոնա Սարգսյանը, Ամալյա Տոնոյանը, Տիգրան Մարգարյանը:

Միջոցառման բացմանը ողջույնի խոսքով հանդես եկան Հայաստանի Հանրապետությունում Ռուսաստանի Դաշնության դեսպանատան խորհրդական Պ. Ա. Կուրիչկինը, Երևանում Ռուսաստանի գիտության և մշակույթի կենտրոնի ղեկավար Ս. Ա. Ռիբինսկին, Խ. Աբովյանի անվան հայկական պետական մանկավարժական համալսարանի սոցիոլոգիայի և սոցիալական աշխատանքի ամբիոնի վարիչ, սոցիոլոգիական գիտությունների դոկտոր, պրոֆեսոր Արմեն Սահակյանը:

Կլոր սեղանի բացմանը ողջույնի խոսք ասաց Հյուսիսային համալսարանի պատվիրակությունը, որի կազմում էին բուհի գիտական հետազոտությունների, նորարարական ծրագրերի և հետբուհական մասնագիտական կրթության կենտրոնի ղեկավար, փիլիսոփայական գիտությունների դոկտոր Գրիգոր Ասատրյանը:

Մտքերի փոխանակման ընթացքում արդի երիտասարդության հայրենասիրական և ինտերնացիոնալ դաստիարակության հարցերի մասին ելույթ ունեցավ մեր համալսարանի «Կառավարում» մասնագիտության 4-րդ կուրսի ուսանող, հայկական բանակի նախկին զինծառայող Էռնեստ Գուլանյանը:

  Alaverdimij      Alaverdimij7    

 

 Թումանյանի շունչն ու ոգին՝ Ալավերդու «Թումանյան» մասնաճյուղում

Հ. Թումանյանի ծննդյան 150-ամյակի առթիվ 2019 թվականը հայտարարվել է թումանյանական: Հյուսիսային համալսարանն ամբողջ տարվա ընթացքում հետաքրքիր ու բովանդակալից միջոցառումներ կնախաձեռնի նաև բուհի Ալավերդու «Թումանյան» մասնաճյուղում՝  նպաստելով տարածաշրջանի մշակութային կյանքի աշխուժացմանը:  Միջոցառումների մեկնարկը տրվեց «Թումանյան» բաժանմունքի մեծ դահլիճում մարտի 21-ին՝  Ամենայն հայոց բանաստեղծին նվիրված «Հյուսիսային համալսարանը՝ թումանյանական պատգամներին հավատարիմ» խորագրով հանդիսությամբ:Միջոցառմանը մասնակցելու համար ռեկտոր Բ. Մակիչյանի գլխավորությամբ բուհից Ալավերդի մեկնեց պատվիրակություն, որի կազմում էին դասախոսներ, վարչական աշխատակիցներ,  ավագ դպրոցի սաները, տնօրենն ու ուսուցիչներ:

                                       Leh dasaxos 2                                        Leh dasaxox3

                            Լեհաստանի Շեցինի համալսարանի դասախոս Քրիստոֆ Վեսոլովսկին դասախոսություններ կկարդա Հյուսիսային համալսարանում

«Erasmus+» Key Action 1 ծրագրի շրջանակներում  Հյուսիսային համալսարանը հյուընկալել է Լեհաստանի Շեցինի համալսարանի իրավագիտության ֆակուլտետի դասախոս Քրիստոֆ Վեսոլովսկուն, որը մարտի 19-22 ընկած ժամանակահատվածում իրավագիտության ֆակուլտետի 3-րդ  և 4-րդ կուրսի ուսանողների համար դասախոսություններ կկարդա «Միջազգային տրանսպորտային իրավունք»: առարկայից: Դասընթացի ընտրությունը կատարվել է հենց Շեցինի համալսարանի կողմից: Դասախոսությունները  (8 ժամ՝ 4 մուտք ) լինելու են հետևյալ թեմաներով՝ «Միջազգային տրանսպորտային իրավունքի զարգացումը», «Իրավական համակարգում միջազգային տրանսպորտային իրավունքի վերաբերյալ կոնվենցիաների դերը», «Միջազգային տրանսպորտային իրավունքի վերաբերյալ կոնվենցիաների գործունեության կարգավորումը» և այլն: Անգլերեն լեզվով անցկացվող դասընթացը կթարգմանվի հայերենով:

Մարտի 19-ին Քրիստոֆ Վեսոլովսկին ջերմ ընդունելության արժանացավ համալսարանի ղեկավարության կողմից: Ռեկտոր Բ. Մակիչյանը նշեց, որ բարձր  է գնահատում դասախոսների՝ միջհամալսարանական շրջանականերում տեղի ունեցող փոխանակումները,  քանի որ դա հիանալի հնարավորություն է փորձելու մասնագիտական կարողությունները և հմտությունները բոլորովին նոր միջավայրում:

Հայտարարություններ

Թափուր աշխատատեղ

08.11.2019
Թափուր աշխատատեղ

Հյուսիսային համալսարանը հայտարարում է մրցույթ Ռոմանագերմանական և ռուս բանասիրու...

Թափուր աշխատատեղ

19.09.2019
Թափուր աշխատատեղ

    Հյուսիսային համալսարանը հայտարարում է մրցույթ մաթեմատիկայի, ի...

Գլխավոր նորություններ