| Հասցե՝ |
| ՀՀ. ք. Երևան 0070, Ալեք Մանուկյան 15ա |
| Հեռ. (+37410) 554052, 573317, 552139 |
| E-mail info@northern.am |
- Գլխավոր
- Նորություններ
«Հեռակա ուսուցման դասընթացների կազմակերպում՝ հեռավար կրթական տեխնոլոգիաների զուգորդմամբ» դրամաշնորհային ծրագրի ամփոփիչ մշտադիտարկում
Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) շրջանակներում 2016թ. դեկտեմբերի 23-ին «Կրթական ծրագրերի կենտոն» պետական հիմնարկի և Հյուսիսային համալսարանի միջև կնքված «Հեռակա ուսուցման դասընթացների կազմակերպում՝ հեռավար կրթական տեխնոլոգիաների զուգորդմամբ» դրամաշնորհային ծրագրի իրականացման աշխատանքների երկամյա շրջափուլը մոտեցավ իր ավարտին:
‹‹Հեռակա ուսուցման դասընթացների կազմակերպում՝ հեռավար կրթական տեխնոլոգիաների զուգորդմամբ» դրամաշնորհային ծրագրի նպատակն է խթանել ՀՀ-ում հեռավար կրթության զարգացումը, նպաստել կրթական ծառայությունների մատուցման տարածքային համաչափ զարգացմանն ու ժամանակակից տեղեկատվական տեխնոլոգիաների կիրառման միջոցով մարզերում բարձրագույն կրթության հասանելիության ապահովմանը: Ծրագրի իրականացումը բաղկացած էր չորս փուլերից: Ինչպես յուրաքանչյուր փուլի ավարտին, այնպես էլ չորրորդ, ամփոփիչ փուլի ավարտին 2018թ. դեկտեմբերի 19-ին ‹‹Կրթական ծրագրերի կենտրոն» ԾԻԳ-ի ներկայացուցիչների հետ կայացավ կատարված աշխատանքների մշտադիտարկման ամփոփիչ հանդիպումը, որի ընթացքում քննարկվեցին ինչպես ծրագրի չորրորդ փուլի, այնպես էլ ծրագրի ողջ ընթացքում իրականացված աշխատանքներն ու գործողությունները, ծրագրով սահմանված նպատակների և ստեղծված արդյունքների համադրելիությունն ու այն խնդիրները, որոնք ի հայտ էին եկել ծրագրի իրականացման ընթացքում:
Նշենք, որ Ծրագրի շրջանակներում Հյուսիսային համալսարանի երևանյան և ՀՀ Լոռու մարզի Ալավերդու մասնաճյուղում իրականացվել են հեռավար ուսուցման լաբորատորիաների վերանորոգման, կահավորման աշխատանքներ, լաբորատորիաները հագեցվել են համապատասխան համակարգչային սարքավորումներով: Աշխատանքներ են տարվել նաև համալսարանի կայքի վերափոխման և հեռաուսուցման Moodle համակարգին դրա հարմարեցման ուղղությամբ: Իրականացվել է հեռավար ձևաչափով տասնհինգ դասընթացների ուսումնական նյութերի թվայնացում՝ էլեկտրոնային շտեմարանների ստեղծում: Դրամաշնորհային ծրագրի համատեքստում մշակվել և հրատարակվել է «Հեռավար ուսուցում» ուսումնական ձեռնարկը: Իրականացվել են համալսարանի պրոֆեսորադասախոսական և վարչական անձնակազմի մեթոդական վերապատրաստումներ հեռավար դասընթացների կառուցման ուղղությամբ. հեռավար կրթության տեխնոլոգիաների, հեռավար դասընթացի ստեղծման առանձնահատկությունների և առցանց հաղորդակցման կանոնների ոլորտում:
«Սիրո անհուն առեղծվածը»
(«բաց» դաս)
Հոգեբանության ֆակուլտետի երկրորդ կուրսում «բաց» դասի թեման էր «Բայը»: Համենայնդեպս, հրավիրատոմսի մեջ այդպես էր նշված: Սակայն հենց սկզբից ուսանողները հրաժարվեցին նախանշված թեմայից ու դասը տարան բոլորովին այլ ուղղությամբ՝ նվիրելով այն սիրուն: Ուսանողները ներկաներին պատմեցին ճանաչված մարդկանց սիրային պատմությունները, զրուցեցին նրանց մեծ սերերի, անհուն տառապանքի ու դրանից ծնված ստեղծագործությունների մասին: Դասի ընթացքում անցկացվեց նաև ասմունքի մրցույթ, որին մասնակցեցին հյուրերը: Հաղթող ճանաչվեց ռեկտորի օգնական տիկին Ջանինյանը: Նա, ոգեշնչվելով տիրող հուզական մթնոլորտով, պատմեց նաև Լոմոնոսովի սիրո մասին, անդրադարձավ Թումանյանի ու Իսահակյանի անձնական կյանքի մի քանի դրվագի:Ու թեպետ հոգեբանության ֆակուլտետի 2-րդ կուրսի ուսանողները ամեն կերպ՝ ասմունքով, ճանաչված մարդկանց սիրային պատմությունները հիշելով, փորձեցին բացահայտել սիրո առեղծվածը, միևնուն է, այն մնաց ԱՌԵՂԾՎԱԾ:
ՀԵՌԱՎԱՐ ԿՐԹՈՒԹՅԱՆ ՎԵՐԱԲԵՐՅԱԼ ՃԱՆԱՉՈՂԱԿԱՆ ԴԱՍԸՆԹԱՑ ԱԼԱՎԵՐԴԻՈՒՄ
2018թ. նոյեմբեր ամսին Հյուսիսային համալսարանի Ալավերդու մասնաճյուղի ուսանողների և դասախոսների հետ կայացավ ճանաչողական հանդիպում-դասընթաց հեռավար կրթության վերաբերյալ: Հանդիպման նպատակն էր Ալավերդու ուսանողներին ներկայացնել համալսարանի կողմից Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) շրջանակներում իրականացվող «Հեռակա ուսուցման դասընթացների կազմակերպում՝ հեռավար կրթական տեխնոլոգիաների զուգորդմամբ» դրամաշնորհային ծրագրի ընթացքում կատարված աշխատանքների և համալսարանի կողմից ստեղծված Moodle հեռաուսուցման հարթակի վերաբերյալ տեղեկատվություն:
Քանի որ ծրագրի նպատակն է խթանել ՀՀ-ում հեռավար կրթության զարգացումը, նպաստել կրթական ծառայությունների մատուցման տարածքային համաչափ զարգացմանն ու ժամանակակից տեղեկատվական տեխնոլոգիաների կիրառման միջոցով մարզերում (մասնավորապես ծրագրով նախատեսված Լոռու մարզում) բարձրագույն կրթության հասանելիության ապահովմանը, հետևաբար Ալավերդու մասնաճյուղը, որպես ծրագրի լիիրավ շահառու չէր կարող անմասն մնալ իրականացվող գործընթացներից: Դասընթացն անցկացվեց դրամաշնորհային ծրագրի շրջանակներում Ալավերդու մասնաճյուղում ստեղծված հեռավար կրթության լաբորատորիայում:
Ճանաչողական հանդիպում-դասընթացի ընթացքում համալսարանի գործընկեր Զ. Սողոմոնյանի կողմից մասնակիցներին ներկայացվեց Moodle ԷՈԻԿՀ-ի բնութագիրը, դրա առավելությունները, զարգացման միտումները, համալսարանի հեռաուսուցման Moodle հարթակից օգտվելու առանձնահատկություններն ու հնարավորությունները. ինչպե՟ս մուտք գործել հարթակ, ինչպե՟ս գրանցվել դասընթացներին, ինչպե՟ս օգտվել հարթակում զետեղված նյութերից և այլն:
