Հյուսիսային համալսարանի կարիերայի կենտրոնի նախաձեռնությամբ՝ Evolution (Evolution Armenia) շվեդական առաջատար ընկերության ներկայացուցիչները աշխատանքային ամենատարբեր առաջարկներով հանդիպեցին համալսարանի ուսանողների հետ:

Ջերմ ու անմիջական մթնոլորտում անցկացված հանդիպման ընթացքում Evolution ընկերության աշխատակիցները իրազեկեցին թափուր աշխատատեղերի մասին։

Նրանք ուսանողներին ներկայացրին յուրաքանչյուր աշխատանքի համար պահանջվող հմտությունները, դրա առանձնահատկություններն ու աշխատանքային պայմանները: Ի դեպ, բուհի որոշ ուսանողներ արդեն իսկ աշխատանքի են անցել ընկերությունում, մի քանի ուսանող ներկայումս փորձաշրջան է անցնում:

Հյուսիսային համալսարանի և Շուշիի տեխնոլոգիական համալսարանի միջև 2021 թվականի դեկտեմբերի 2-ին կնքված համագործակցության պայմանագրի շրջանակում ս.թ. ապրիլի 18-22-ը Հյուսիսային համալսարանի պրոֆեսորադասախոսական կազմի կողմից իրականացվեցին վերապատրաստումներ Շուշիի տեխնոլոգիական համալսարանի պրոֆեսորադասախոսական կազմի, մասնավորապես «Ինժեներական էկոնոմիկայի և ագրոբիզնես»-ի ամբիոնի դասախոսների համար: Վերապատրաստման դասընթացներին դասախոսությամբ հանդես եկան Հյուսիսային համալսարանի ուսումնահետազոտական և միջազգայնացման գծով պրոռեկտոր Լ․Ֆլջյանը՝ «Հետազոտական բաղադրիչի կիրառումը ուսումնառության գործընթացում», իրավագիտության և հասարակագիտական առարկաների ամբիոնի վարիչ Ա. Հարությունյանը՝ «Գիտահետազոտական աշխատանքների կազմակերպման մեթոդաբանություն», տնտեսագիտության և կառավարման ամբիոն վարիչ, պրոֆեսոր Ա.Ճուղուրյանը՝ «Ժամանակակից կրթական տեխնոլոգիաներ» և Գ. Խաչատրյանը՝ «Ժամանակակից կրթական տեխնոլոգիաներ» թեմաներով։

Վերապատրաստման ավարտին Հյուսիսային համալսարանի ռեկտոր Մ․ Մակիչյանը մասնակիցներին հանձնեց վկայագրեր։

Կարևորելով ինքնակրթման և փոխկրթման առանցքային դերակատարումը գրագետ և հզոր հասարակության ձևավորման գործընթացներում՝ նմանատիպ փոխհամագործակցությունները կլինեն շարունակական և առավել ընդգրկուն:

Շնորհակալ ենք Շուշիի տեխնոլոգիական համալսարանի կառավարման մարմիններին՝ վստահության և համագործակցության համար: