logo-hy

  ՀՅՈՒՍԻՍԱՅԻՆ ՀԱՄԱԼՍԱՐԱՆ

lezu4

Ինչու պետք է սովորել օտար լեզուներ

Այս հարցին այսօր հանգամանալից պատասխան տրվեց Հյուսիսային համալսարանում անցկացված «բաց» դասի ժամանակ, որին մասնակցում էին բուհի ավագ դպրոցի աշակերտները: Դասը, որը  նվիրված էր Լեզուների  եվրոպական օրվան, անցկացրեց համալսարանի ուսումնահետազոտական և բարեփոխումների  գծով պրոռեկտոր, պրոֆեսոր Լուսինե Ֆլջյանը: Նա սահիկահանդեսի միջոցով ներկայացրեց օրվա խորհուրդը, մասնակիցներին պատմեց  տոնի սկզբնավորման մասին(այն հռչակվել է Եվրոպայի խորհրդի կողմից 2001 թվականի դեկտեմբերի 6-ին և նշվում է սեպտեմբերի 26-ին): Լ. Ֆլջյանը նշեց, որ օրվա հիմնական նպատակն է խրախուսել տարբեր լեզուների ուսումնասիրությունն ու յուրացումը, քանի որ բազմալեզվությունը մարդուն հնարավորություն է տալիս ստեղծել ավելի լայն կապեր ու շփումներ և կյանքում լինել առավել հաջողակ: Բանախոսը կարևորեց այն հանգամանքը, որ տոնը միավորում է աշխարհի բոլոր մարդկանց՝ մղելով նրանց ավելի շատ լեզուների տիրապետելու և դրանով իսկ այլ ժողովուրդների մշակույթին ծանոթանալու:

Պրոֆեսոր Լ. Ֆլջյանը մասնակիցներին ներկայացրեց աշխարհի ամենատարածված լեզուները, աշխարհի ամենաիմաստալից բառերը, ամենաքիչ տառեր ունեցող այբուբենը, ամենահետաքրքիր լեզուները և ամենաշատ լեզուներ իմացող մարդկանց:

Բանախոսը կարևորեց նաև այն հանգամանքը, որ օտար լեզուների իմացությունը էապես բարելավում է մարդու առողջությունը, խթանում ուղեղի աշխատանքն ու լավացնում հիշողությունը:

Ավարտին Լ. Ֆլջյանը հետաքրքիր մրցույթներ անցկացրեց, որի հաղթողները ստացան հատուկ նվերներ:

Բաց դասախոսություն. «Լեհաստանի տարածաշրջանային զարգացման ֆինանսավորումը (ընտրովի խնդիրներ

bac dasaxos1

Սեպտեմբերի 26-ին Հյուսիսային համալսարանում «Կառավարում» մասնագիտությամբ  բակալավրիատի և մագիստրատուրայի ուսանողների համար  բաց դասախոսությամբ հանդես եկավ Շլոնսկի համալսարանի (Կատովիցե, Լեհաստան)  դոցենտ Հրայր Մաղաքյանը: Մեր հայրենակիցը երկար տարիներ ապրելով և ստեղծագործելով Լեհաստանում՝ բազմաթիվ ուսումնասիրություններ է կատարել Լեհաստանի տնտեսական կյանքի զարգացման վերաբերյալ: Սակայն նրա հետազոտությունների շրջանակում կարևոր տեղ են զբաղեցնում հատկապես Լեհաստանում բնակվող հայերը, նրանց  դերը երկրի հասարակական, քաղաքական, տնտեսական և մշակութային կյանքում:

Դասախոսության թեման էր «Լեհաստանի տարածաշրջանային զարգացման ֆինանսավորումը (ընտրովի խնդիրներ)»: Նպատակը՝ ուսանողներին ներկայացնել Լեհաստանի հանրային ֆինանսների կառավարման առանձնահատկություններին: Բանախոսը հանգամալից ներկայացրեց Լեհաստանում տեղական ինքնակառավարման մարմինների բյուջեների կատարման գործառույթները, ինչը նորություն էր հայ ուսանողների համար:

Դասախոսությունն անցավ բուռն քննարկումներով ու հետաքրքիր հարցադրումներով. Հյուսիսային համալսարանի ուսանողները զարմանալի ակտիվություն ցուցաբերեցին թեմայի վերաբերյալ:

Դասախոսության ավարտին  Հյուսիսային համալսարանի ուսումնահետազոտական և բարեփոխումների գծով պրոռեկտոր Լուսինե Ֆլջյանը շնորհավորեց ներկաներին Լեզուների եվրոպական օրվա կապակցությամբ և  իր խոսքում կարևորեց այն փաստը, որ նմանատիպ դասախոսությունները անհրաժեշտ են ուսանողների համար և կարող են նոր գիտելիքներ և մասնագիտական հմտություններ ձեռք բերելու հնարավորություն ընձեռել։

Shota Rustaveli  

Հյուսիսային համալսարանի միջազգային գործընկերների թիվը համալրվեց ևս երկուսով

 

2019-2020 ուստարվա սկիզբը Հյուսիսային համալսարանի համար նշանավորվեց միանգամից երկու արտասահմանյան բուհերի հետ համագործակցությամբ: Հյուսիսային համալսարանը այսուհետ համագործակցում է Բաթումիի Շոթա Ռուսթավելիի անվան պետական համալսարանի և Բուլղարիայում գտնվող Վառնայի կառավարման համալսարանի հետ:  Հյուսիսային համալսարանի «Կառավարում» մասնագիտության ուսանողները անվճար հիմունքներով կարող են իրենց ուսումնառությունը շարունակել Վառնայում:

Երկկողմ համաձայանագրերի շնորհիվ նոր հեռանկարներ են բացվում Հյուսիսային համալսարանի պրոֆեսորադասախոսական կազմի և ուսանողների համար: Նշենք, որ առաջիկայում  նախատեսվում են նոր համագործակցություններ  միջազգային բարձր վարկանիշ ունեցող բուհերի հետ :

Հայտարարություններ

Թափուր աշխատատեղ

08.11.2019
Թափուր աշխատատեղ

Հյուսիսային համալսարանը հայտարարում է մրցույթ Ռոմանագերմանական և ռուս բանասիրու...

Թափուր աշխատատեղ

19.09.2019
Թափուր աշխատատեղ

    Հյուսիսային համալսարանը հայտարարում է մրցույթ մաթեմատիկայի, ի...

Գլխավոր նորություններ