logo-hy

  ՀՅՈՒՍԻՍԱՅԻՆ ՀԱՄԱԼՍԱՐԱՆ

                                                                                              gradaran12

 

Հյուսիսային համալսարանը թվային գրադարանների ասոցիացիայի անդամ է

 

Հյուսիսային համալսարանը 24․05․2021թ․–ից անդամակցում է «Հայաստանի թվային գրադարանների ասոցացիա» հասարակական կազմակերպությանը։ Կնքվել են պայմանագրեր, որոնք հնարավորություն կտան (անվճար հիմունքներով) օգտվելու մի շարք միջազգային նշանակության էլեկտրոնային գրադարանների շտեմարաններից։ Շտեմարանների հասանելիությունն ապահովվում է բացառապես Հյուսիսային համասարանի համակարգչային բազայից։ Այսօր արդեն The Company of Biologist-ի երեք ամսագրերի` Development, Journal of Cell Science and Journal of Experimental Biology և Grebennikon Էլեկտրոնային գրադարանի պաշարները, որոնց ունեն հիմնականում մարքեթինգի, տնտեսագիտության, մենեջմենթի թեմատիկ ուղղվածություն, արդեն բաց են Հյուսիսային համալսարանի համար։
Շնորհակալ ենք Հայաստանի թվային գրադարանների ասոցացիայի մեր գործընկերներին:
Գործընթացը կրում է շարունակական բնույթ։

 

angl 1   angl 2  angl 3

 

Հայաստանը՝ անգլերենով

Հյուսիսային համալսարանի «Մասնագիտական մանկավարժություն»/օտար լեզու և գրականություն/ բաժնի առկա ուսուցման 2-րդ կուրսի ուսանողներն այսօր հիմնական օտար լեզու / անգլերեն/ առարկայի քննությունը հանձնել են ոչ սովորական ձևով՝ սահիկահանդեսով:

Ինչպես իր խոսքում նշեց դասախոս Ա. Թամազյանը անգլերենի քննությունը նման կերպ անցկացնելու նպատակն էր նախ ստուգել, թե որքանով է դասընթացը նպաստել ուսանողների անգլերենի զարգացմանն ու գեղեցիկ խոսքի ձևավորմանը, այնուհետև պարզել նրանց սահիկանահանդեսներ ներկայացնելու հմտությունը:

Ուսանողների գեղեցիկ, արտահայտիչ ու սահուն անգլերենի շնորհիվ նոր գույներով ներկայացան Սյունիքը, Լոռին, մայրաքաղաք Երևանը և առհասարակ ՀՀ բոլոր տեսարժան վայրերը: Նրանք ներկայացրին նաև բազմադարյա վանական համալիրները(Գառնու հեթանոսական տաճար), Շաքիի ջրվեժը և Հայաստանի գողտրիկ այլ անկյուններ:

Ուսանողները սահիկահանդեսի միջոցով նաև անդրադարձան ՀՀ խոշոր քաղաքներին, հայկական խոհանոցի ավանդական ուտեստների և տեսարժան վայրերի շուրջ հյուսվող լեգենդներին:

erablur1   erablur2   erablur3
 
 
Անհետ կորած ու լույս դարձած բոլոր զինվորների մայրերը մինչև վերջ սպասում են իրենց զավակներին… Նրանց կյանքը իմաստավորվում է այդ սպասումով, մայրերը առաջվա պես ամեն օր կարգի են բերում իրենց որդիների սենյակները, պատրաստում նրանց սիրած ուտելիքները, սեղանից էլ որդիների սպասքն անպակաս է…Նույնիսկ եթե Եռաբլուրուր մի շիրիմ ավելացել է, միևնույն է, մայրերը դռան ամեն թխկոցից վեր են թռչում և նետվում որդիներին գրկելու...
Իր որդուն՝ Սուրեն Խեչումյանին սպասում է նաև նրա մայրը: Սուրենը Հյուսիսային համալսարանի բժշկական քոլեջի գերազանցիկ շրջանավարտ էր, համեստ ու հիանալի մի անձնավորություն, որի բացակայությանը չենք հաշտվում նաև մենք: Սպասում ենք…
Երեկ մեր ուսանողներն ու աշխատակիցները  այցելեցին Եռաբլուր՝ ծաղիկներ խոնարհելու Սուրենի և նահատակված մյուս քաջորդիների շիրիմներին, այնուհետև այցելեցին Սուրեն Խեչումյանի ծնողներին: Նախաձեռնության հեղինակը բուհի իրավագիտության ֆակուլտետի այս տարվա շրջանավարտ, բանաստեղծուհի Մարի Հակոբյանն էր, որն իր բանաստեղծությունների ժողովածուի վաճառքից ստացված հասույթը որոշել էր տրամադրել 44-օրյա պատերազմում հերոսացած համալսարանի ուսանողներին:
«Ինձ անընդհատ տանջում էր այն միտքը, որ ես, որպես հայ քաղաքացի ու մայր, շատ քիչ բան եմ արել պատերազմում նահատակված մեր հերոս քաջորդիների ընտանիքների համար՝ նրանց վիշտը թեթևացնելու, նրանց զորավիգ լինելու առումով: Ուստի մտածեցի ժողովածուիս ողջ հասույթը, անկախ չափից, ուղղել մեր բուհի հերոսացած զինվորների շիրիմներին և նրանց ընտանիքներին այցելելուն,-պատմում է Մարին,-Եռաբլուրում ծաղիկներ խոնարհեցինք ու խնկարկեցինք ոչ միայն Սուրենի շիրիմին…Այնուհետև այցելեցինք նրա ծնողներին: Հիշեցինք մեր ընկերոջը, հուզվեցինք…Երբ հրաժեշտ էինք տալիս, Սուրենի մայրը մի անբացատրելի վստահությամբ ասաց՝ իմ որդին վերադառնալու է, ես հաստատ գիտեմ»:
 
 
 
Լրատվության և հասարակայնության հետ կապերի ուսումնապրակտիկ կենտրոն

Գլխավոր նորություններ

Հայտարարություններ

Ընդունելություն նախապատրաստական բաժնում

25.05.2021
Ընդունելություն նախապատրաստական բաժնում

Հյուսիսային համալսարանը կազմակերպում է նախապատրաստական ինտենսիվ դասընթացներ բակ...

Հյուսիսային համալսարանը հայտարարում է ռեկտորի գործավարի թափուր հաստիքի մրցույթ

30.04.2021
Հյուսիսային համալսարանը հայտարարում է ռեկտորի գործավարի թափուր հաստիքի մրցույթ

    Հյուսիսային համալսարանը հայտարարում է ռեկտորի գործավարի թափուր հա...