logo-hy

  ՀՅՈՒՍԻՍԱՅԻՆ ՀԱՄԱԼՍԱՐԱՆ

kiber.seminar kiber.seminar1

«ԱՄՔՈՐ Հայաստան» բարեգործական հիմնադրամի և Հյուսիսային համալսարանի նախաձեռնությամբ կազմակերպված սեմինարը հագեցած էր հետաքրքիր տեղեկատվությամբ և խիստ արդիական հարցադրումներով:
❓Ի՞նչ է թրաֆիքինգը
❓Ի՞նչ դրսևորումներ կարող է այն ունենալ
❓Ինչպե՞ս խուսափել թրաֆիքինգի զոհ դառնալուց
❓Ինչպե՞ս պաշտպանել անձնական տվյալները վիրտուալ
տիրույթի հարձակումներից
❓Ի՞նչ մեթոդներով են իրականացվում
կիբերհանցագործությունները…
Մարդու իրավունքների, ազատությունների, թրաֆիքինգից խուսափելու մեխանիզմների և բազմաթիվ այլ հարցերի շուրջ իրենց փորձագիտական վերլուծություններով ներկայացան «ԱՄՔՈՐ Հայաստան» բարեգործական հիմնադրամի առողջապահական /կրթական/ թրաֆիքինգի դեմ պայքարի ծրագրերի համակարգող Վիկտորիա Ավակովան և կիբերանվտանգության փորձագետ Սամվել Մարտիրոսյանը:
Տեղեկատվական տեխնոլոգիաների զարգացմանը զուգահեռ համաշխարհալին սարդոստայնը ամեն օր մարդկությանը նետում է նոր կիբերմարտահրավերներ, որոնց դիմակայելու ամենահուսալի միջոցը մեդիագրագետ լինելն է:

irazekum

«Իրազեկ և պաշտպանված սպառող» ՀԿ նախագահ Բաբկեն Պիպոյանի հետ հանդիպումները սովորաբար նախատեսվածից կրկնակի երկար են տևում: Գիտե՞ք ինչու. որովհետև բոլորս սպառող ենք , բոլորս ցանկանում ենք լինել իրազեկ և պաշտպանված և բոլորս ամեն օր և ամենուր առնչվում ենք այն խնդիրներին, որոնց մասին բարձրաձայնում է Բաբկեն Պիպոյանը:
Հյուսիսային համալսարանի իրավաբանական կլինիկայի նախաձեռնությամբ կազմակերպված հանդիպումը «Իրազեկ և պաշտպանված սպառող» ՀԿ նախագահի հետ ևս մեկ անգամ իրազեկ և պահանջատեր լինելու , մեր սպառողական իրավունքներին ծանոթանալու, նաև՝ պարենային ապրանքի գունային մակնշման անհրաժեշտության վերաբերյալ տեղեկացված լինելու առիթ էր:
 

svakyan gitajoxov

«Ինչպե՞ս կարելի է Պարույր Սևակի գերեզմանի առաջ չհավատալ հոգու անմահությանը…»:
«Պարույր Սևակն այնպիսիներից եղավ , որ պիտի ապրի այնքան ժամանակ, ինչքան ժամանակ պիտի ապրի հայ ժողովուրդը, իսկ հայ ժողովուրդը անմահներից մեկն է աշխարհում…»: - Ամենայն հայոց կաթողիկոս Վազգեն Ա
Պարույր Սևակի ծննդյան 100-ամյակին նվիրված ընթերցումները Հյուսիսային համալսարանում անցկացվեցին իբրև ղողանջ երկրպագության, ղողանջ անմահության: Յուրաքանչյուրս մեր բաժին Սևակն ունենք, ով իր տողերը ասես հյուսել է հենց մեր հոգու լարերից: Իրենց բաժին Սևակ-մարդուն, Սևակ-փիլիսոփային, Սևակ-մարգարեին , Սևակ-մանկագրին ու պոետին առանձնակի սիրով հնչեցրին Հյուսիսային համալսարանի լեզուների, գրականության և լրագրության ամբիոնի վարիչ Նունե Մկրտչյանը, Իրավագիտության ֆակուլտետի դեկան Լիանա Հակոբյանը, Հյուսիսային համալսարանի ուսանողները: Կարդացին, վերապրեցին, հուզեցին ու հուզվեցին, մի պահ Սևակի հետ բարձրացան, ինքնամաքրվեցին, բյուրեղացան:
Եվ յուրաքանչյուր անգամ, երբ որևէ առիթով «հրավիրում-ուրախանում ենք» մեր հանճարներին, զգում ենք այն մեծ պատասխանատվությունը, որ ունենք նրանց առաջ, նրանց դավանած արժեքների, պաշտած երկրի ու թողած պատգամների առաջ:
Ու ամեն անգամ նրանց տողերին մեր խոստումն ենք խառնում՝ չդավաճանել այն դավանանքին, որով արարել ու անմահացել են Նվիրյալները: Այդպես եղել է, այդպես կլինի, քանզի այդպես ԱՆՄԱՀՆԵՐՆ ԵՆ ՀՐԱՄԱՅՈՒՄ:
 

Գլխավոր նորություններ

Հայտարարություններ

Ուշադրություն!!

15.05.2024
Ուշադրություն!!

Ուշադրություն!! Հյուսիսային համալսարանի և Իսպանիայի Սևիլիայի համալսարանի միջև Է...

Հյուսիսային համալսարանը նոր դռներ է բացում

02.02.2024
Հյուսիսային համալսարանը նոր դռներ է բացում

Հյուսիսային համալսարանի և Իսպանիայի Սևիլիայի համալսարանի միջև Էրազմուս+ համագոր...