logo-ru

  СЕВЕРНЫЙ УНИВЕРСИТЕТ

Ի գիտություն Հյուսիսային համալսարանում անցկացվող միջբուհական ուսանողական գիտաժողովի մասնակիցների

Տեղեկացնում ենք Հյուսիսային համալսարանում անցկացվող գիտաժողովի մասնակիցներին, որ գիտաժողովի կազմկոմիտեն նպատակահարմար է համարել տեղաշարժ կատարել գիտաժողովի անցկացման ժամկետների մեջ և ս.թ. փետրվարի 25-26-ի փոխարեն այն անցկացնել մարտի 25-26-ին՝ մինչ այդ կազմակերպելով գիտաժողովի նյութերի ժողովածուի տպագրությունը:
Ուստի հիշեցնում ենք գիտաժողովի մասնակցության հայտերի հեղինակներին, որ անհրաժեշտ է զեկուցումների էլեկտրոնային տարբերակները՝ դրանց ներկայացվող պահանջներին համապատասխան և սահմանված ժամկետներում, այն է՝ մինչև ս.թ. փետրվարի 24-ը ուղարկել Հյուսիսային համալսարանի էլեկտրոնային հասցեով(Этот адрес электронной почты защищён от спам-ботов. У вас должен быть включен JavaScript для просмотра.)՝ դրանք քննության առնելու և տպագրության երաշխավորելու համար:

Հարգելի՛ ուսանողներ

 Հյուսիսային համալսարանի ռեկտորատի և բուհի ուսանողական գիտական ընկերության նախաձեռնությամբ 2020 թվականի մարտի 25-26-ին կանցկացվի միջբուհական ուսանողական գիտաժողով՝ «Ուսանողության գիտահետազոտական ներուժի բացահայտումը՝ որակյալ կրթության ու լավագույն փորձի համադրմամբ» խորագրով:

  Գիտաժողովի բացումը և լիագումար նիստը տեղի կունենան ս.թ. մարտի 25-ին, համալսարանի մեծ դահլիճում: Մասնագիտական սեկցիաների նիստերը կանցկացվեն մարտի  26-ին՝ համապատասխան լսարաններում:

Գիտաժողովում կգործեն հետևյալ սեկցիաները՝ ըստ մասնագիտությունների.

  1. Տնտեսագիտություն, կառավարում և ինֆորմատիկա
  2. Իրավագիտություն և հասարակական գիտություններ
  3. Մանկավարժություն և հոգեբանություն
  4. Բանասիրություն և լրագրություն

Գիտաժողովին մասնակցելու հայտեր կարող են ներկայացնել(հայտի ձևը՝ տե՛ս հավելված 1-ում) բուհերի ինչպես բակալավրիատի, այնպես էլ մագիստրատուրայի ուսանողներ:

Հայտերն անհրաժեշտ է ուղարկել ոչ ուշ, քան մինչև ս.թ. փետրվարի 18-ը՝ Հյուսիսային համալսարանի էլեկտրոնային հասցեով՝ Этот адрес электронной почты защищён от спам-ботов. У вас должен быть включен JavaScript для просмотра.

     Զեկուցումների էլեկտրոնային տարբերակները՝ մինչև 8 էջ ծավալով (A4 լուսանցքները՝ 2 սմ, միջտողային հեռավորությունը՝ 1.5, տառաչափը 12, Sylfaen, ամփոփումները և բանալի բառերը՝ հայերեն, ռուսերեն և անգլերեն լեզուներով) անհրաժեշտ է ներկայացնել մինչև ս.թ. փետրվարի 24-ը՝ վերը նշված էլեկտրոնային հասցեով:

Գիտաժողովի մասնակիցներին կտրվեն համապատասխան հավաստագրեր:

Լավագույն զեկուցումները համալսարանի գիտական խորհրդի որոշմամբ կտպագրվեն գիտաժողովի նյութերի ժողովածուում:

Լրացուցիչ տեղեկությունների համար դիմել՝

Հեռ. (+37410) 554052, 578488, 559776, էլ.հասցե՝ Этот адрес электронной почты защищён от спам-ботов. У вас должен быть включен JavaScript для просмотра.

Հայտարարություններ

Միջազգային ֆորումին մասնակցելու հրավեր

21.05.2020
Միջազգային ֆորումին մասնակցելու հրավեր

Սիրելի ուսանողներ հրավիրում ենք Ձեզ մասնակցելու «Եվրասիական տարածաշրջան» թեմայո...

ՀՐԱՎԻՐՈՒՄ ԵՆՔ ՄԱՍՆԱԿՑԵԼՈՒ ՄՐՑՈՒՅԹԻ

13.05.2020
ՀՐԱՎԻՐՈՒՄ ԵՆՔ ՄԱՍՆԱԿՑԵԼՈՒ ՄՐՑՈՒՅԹԻ

  «Հորիզոն-2100» գիտական, գիտագործնական և գիտաֆանտաստիկ աշխա­տանք­ն...