| Адрес |
| РА, г. Ереван 0070, ул. Алека Манукяна 15а |
| Тел: (+37410) 554452, 573317 |
- Главная
- Новости
Новости
ԱՄՓՈՓՎԵՑԻՆ «ԺԱՄԱՆԱԿԻ ՄԱՐՏԱՀՐԱՎԵՐՆԵՐԸ ՄԱՆԿԱՎԱՐԺԻՆ» ՀԱՆԴԻՊՄԱՆ ԱՐԴՅՈՒՆՔՆԵՐԸ
«Բուհ-գործատու-մասնագետ» համագործակցության շրջանակում տեղի ունեցավ «Ժամանակի մարտահրավերները մանկավարժին» խորագրով առցանց քննարկում-հանդիպումը: Գործընթացին մասնակցում էին հիսունչորս ներկայացուցիչներ՝ կրթական հաստատությունների տնօրեններ, փոխտնօրեններ, մանկավարժներ, ինչպես նաև Հյուսիսային համալսարանի որակի ապահովման վարչության և ամբիոնների ներկայացուցիչներ:
Հանդիպման սկզբում մասնակիցները գրավոր տարբերակով ներկայացրին մանկավարժական գործընթացում ծագող խնդիրները, ապա դրանց հաղթահարման հնարավոր ուղիները։
Համապատասխան հանձնաժողովի կողմից անհատապես դիտարկվեցին բոլոր լրացված ձևաթղթերը, խմբավորվեցին և ընտրվեցին առավել արժանահավատները, որոնք ներառում էին նաև հաղթահարման տարբերակներ, ապա ձևավորվեց լավագույն գաղափարների հնգյակը։
Արժևորելով մրցունակ գաղափարների կարևորությունը՝ առաջատար գաղափարների հեղինակների հետ ձևավորվեցին գործընկերային հարաբերություններ՝ ներկայացված խնդիրների շրջանակներում հնարավոր հաղթահարման մեխանիզմներ մշակելու և կյանքի կոչելու փոխադարձ համաձայնությամբ:
Եվ ինչպես նախատեսված էր, «Ժամանակի մարտահրավերները մանկավարժին» խորագրով քննարկում-հանդիպման լավագույն գաղափարների հեղինակներին բուհի կողմից պետք է տրվեին հավաստագրեր։ Ուստի բոլորովին վերջերս, հյուրընկալվելով բուհում, նրանք հանդիսավոր պայմաններում ստացան վաստակած հավաստագրերը՝ մյուս մասնակիցներին ներկայացնելով իրենց առաջադրած գաղափարները։
Շնորհավորում ենք լավագույն գաղափարների հեղինակներին, որոնք են՝
- Անուշ Համբարձումյանը («Փոխհամագործակցություն-ԲՈՒՀ-դպրոց ձևաչափով»),
- Իրինա Ադամյանը,(«Ներառական կրթության- օնլայն հարթակ»)
- Մարիետա Նահապետյանը, («Ինտերակտիվ կրթություն- հեղինակային ծրագրի կիրառմամբ»),
- Մարինե Սուքիասյանը, («Ճգնաժամային իրավիճակներ-կրթություն»),
- Աննա Վարդանյանը, («Ուսուցչի օգնական-արժևորվող գործընթաց»):
Շնորհակալ ենք մեր հարգելի համախոհներին՝ մեզ վստահելու և աջակցելու համար:
ՀՅՈՒՍԻՍԱՅԻՆ ՀԱՄԱԼՍԱՐԱՆԻ ՌԵԿՏՈՐ Մ․ ՄԱԿԻՉՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ «ԿՐԹՈՒԹՅԱՆ» ՇԱԲԱԹԱԹԵՐԹԻ ՆՈՐ ՏԱՐԵՇՐՋԱՆԻ 1000-ՐԴ ՀՈԲԵԼՅԱՆԱԿԱՆ ՀԱՄԱՐԻ ԼՈՒՅՍԸՆԾԱՅՄԱՆ ԱՌԹԻՎ
Անխախտ բարեկամության վստահությամբ
Մարդկության առաջընթացը պայմանավորված է յուրաքանչյուր երկրի կրթական մակարդակով: Որակյալ եւ կրթված մասնագետների առկայությամբ է զարգանում յուրաքանչյուր ոլորտ:
Այդպես է նաեւ մեր պարագայում: Եվ պատահական չէ, որ Հայաստանում հիմնարար է դարձել գիտելիքահեն տնտեսություն զարգացնելու գաղափարը: Եվ այդ գաղափարի իրականացմանն է նպատակաուղղված վերջին տասնամյակներին երկրի կրթական համակարգում ընթացող բարեփոխումների շղթան: Մեր հանրապետության կրթական յուրաքանչյուր նորամուծության
լայնածավալ լուսաբանում, առաջացած խնդիրների շուրջ քննարկումներ եւ լուծման ուղիների առաջարկություններ կարելի է գտնել «Կրթություն» շաբաթաթերթի էջերում: Այն ներկայացնում է թե՛ պետական եւ թե մասնավոր հատվածի հոգսերը, կարողանում է առաջացնել առողջ մրցակցություն`
արտացոլելով այս կամ այն բուհի առաջընթացին միտված գործողություններն ու քայլերը: Այն բաց է կրթական բոլոր ձեւերի համար:
«Հանդիսատեսի համակրանքը»՝ Անի Թամազյանին
Հյուսիսային համալսարանի անգլերենի դասախոս, եվրոպական ծրագրերի համակարգող Թամազյանը հուլիսի 7-ին մասնակցել է Ֆրանկոֆոնիայի համալսարանական գործակալության կողմից կազմակերպված «Իմ թեզը 180 վայրկյանում» մրցույթին, ֆրանսերենով ներկայացրել ատենախոսության թեման, դարձել 2-րդ մրցանակակիրը և հաղթել «Հանդիսատեսի համակրանք» անվանակարգում։ Մրցույթն առաջին անգամ էր իրականցվում Հայաստանում: Ըստ մրցույթի կանոնների՝ յուրաքանչյուր մասնակից ուներ ընդամենը 180 վայրկյան և մեկ սահիկահանդես՝ իր հետազոտության արդյունքները հասարակությանը ֆրանսերենով հասկանալի, հանրամատչելի, գրավիչ և գիտականորեն ներկայացնելու համար:
Շնորհավորում ենք Անի Թամազյանին, մաղթում գիտական վերելքներ:
