Новости

ՊԵՏՔ Է ԳՆԱԼ ԴԵՊԻ ՀՈՒՅՍ ԵՎ ՊԵՏՔ Է ՊԱՏՐԱՍՏ ԼԻՆԵԼ ԿՅԱՆՔԻ

«Շահբազյան» բարեգործական հիմնադրամի և Հյուսիսային համալսարանի նախաձեռնությամբ նոյեմբերի 21-ին բաց դասախոսությամբ հանդես եկավ Բեյրութի սոցիալական զգացմունքների ուսումնական կենտրոնի հիմնադիր Մերի Ղազարյան Գուրունլյանը՝ Արցախի և Լիբանանի պատերազմների ընթացքում և հետպատերազմյան շրջանում բնակչության հոգեբանական աջակցության ծրագրերի արդյունավետության վերլուծությամբ:

-Երբ կա հույս, կա նաև կյանք.այն մեզ զինում է քաջությամբ և դարձնում առավել ուժեղ, - սա է այն մոտեցումը, որով աշխատում է Մերի Ղազարյան Գուրունլյանը պատերազմի արհավիրքն ապրած ընտանիքների հետ:

Հյուսիսային համալսարանի ուսումնահետազոտական և միջազգայնացման գծով պրոռեկտոր Լուսինե Ֆլջանը նշում է, որ մեր կյանքում առկա բազմաթիվ մարտահրավերները փոքր պատերազմներ են, և մենք պետք է կարողանանք հաղթահարել դրանք՝ ապրելու դիրքերից: Կարևորելով միասնականությունը և ընդգծելով հայրենիքի հզորացման գործում Սփյուռքի մեր հայրենակիցների դերը՝ Լուսինե Ֆլջյանը շնորհակալություն է հայտնում Մերի Ղազարյան Գուրունլյանին՝ հայրենանվեր գործի և «Շահբազյան» բարեգործական հիմնադրամին՝ հետաքրքիր և բովանդակալից հանդիպման համար:

Մերի Ղազարյան Գուրունլյանի հետ հարցազրույցը՝ հաջորդիվ:

Լրատվության և հասարակայնության հետ կապերի ուսումնապրակտիկ կենտրոն

: Опубликовано: 21.11.2023

voma voma1

Հայրենիքի պաշտպանունակության ամրապնդումը այլընտրանք չունի:

Ուրեմն՝ Ի ԳՈՐԾ

Սիրելի՛ հայրենակիցներ, Հյուսիսային համալսարանի ուսանողական խորհուրդը, ի աջակցություն ՈՄԱ/VOMA-Ողջ Մնալու Արվեստ ռազմահայրենասիրական հասարակական կազմակերպության, մեկնարկում է թղթի թափոնների և պլաստիկի հավաքագրում, որից ստացված գումարը կփոխանցվի ռազմավարական նշանակություն ունեցող այնպիսի նախագծերի իրականացմանը, ինչպիսիք են.

«Գմբեթ» կրակակետերի կառուցումը

«Ժողովրդական զրահ» զրահաբաճկոնների արտադրությունը

«Բագի» թեթև մարտավարական փոխադրամիջոցների արտադրությունը և այլն:

Թափոնների հավաքագրումը կիրականացվի Հյուսիսային համալսարանում: Հասցե՝ Ալեք Մանուկյան 15 ա: Կոնտակտային հեռախոսահամարներ՝ 098196994, 091314556

Լրատվության և հասարակայնության հետ կապերի ուսումնապրակտիկ կենտրոն

: Опубликовано: 26.09.2023

magistr

ՀՀ ԿԳՄՍ նախարարի հրամանով Հյուսիսային համալսարանի մագիստրոսի կրթական ծրագրով առկա և հեռակա ուսուցման համապատասխանաբար 2 և 2,5 տարի տևողության փոխարեն մագիստրոսական կրթությունն այսուհետ կիրականացվի 1,5 և 2 տարի տևողությամբ:

Հյուսիսային համալսարանում մագիստրատուրայի առկա և հեռակա բաժինների կրթական ծրագիրն իրականացվում է հետևյալ մասնագիտություններով.

Բանասիրության և մանկավարժության ֆակուլտետ