Համալսարանում գործում է Հեռավար ուսուցման և տեխնոլոգիական կառավարման բաժինը, որը համակարգում է համալսարանում կազմակերպվող հեռավար ուսուցման դասընթացների, էլեկտրոնային կառավարման, համակարգչային և ցանցային սպասարկումների ողջ գործընթացը: Բաժնի նպատակները, խնդիրներն ու գործառույթները համապատասխանում  են համալսարանի 2020-2025 զարգացման ռազմավարական ծրագրին։

Բաժնի նպատակներ են՝

1. Ներդնել և ծավալել նորարարական՝ առցանց կրթական գործընթաց՝ կիրառելով կրթական տեղեկատվական տեխնոլոգիաները համալսարանի բոլոր կրթական ծրագրերում և ուսուցման ձևերում։
2. Ներդնել համալսարանի կառավարման և փաստաթղթաշրջանառության էլեկտրոնային համակարգ և նպաստել բուհի կառավարման արդյունավետության, թափանցիկության բարձրացմանը։

Բաժնի խնդիրներն են՝

1. Նորագույն տեխնոլոգիաներին համապատասխան՝ հեռավար ուսուցման գործընթացի կազմակերպումը և շարունակական զարգացումը:
2. Համալսարանում հեռավար ուսուցման համար անհրաժեշտ գործիքների և ուսուցման գործընթացին նպաստող նախագծերի իրականացումը։
3. Համալսարանի կառավարման համակարգում էլեկտրոնային տեղեկատվական միասնական քաղաքականության մշակումը և իրականացումը:
4. Համալսարանում համակարգչային սարքավորումների սպասարկումը, վերազինումը և ցանցի զարգացումը։
5. Համալսարանի ինտերնետային պաշտոնական կայքի ծրագրային և բովանդակային զարգացումը։