Օտարերկրյա դիմորդ

Հյուսիսային համալսարան օտարերկրյա քաղաքացիների կրթության կազմակերպումն իրականացվում է ՀՀ ԿԳ նախարարի 2017թ. մարտի 3-ի N 224-Ա/ղ՝ «Հյուսիսային համալսարան» ՍՊԸ-ին բակալավրի և մագիստրոսի կրթական ծրագրերով, մի շարք մասնագիտությունների գծով, օտար լեզվով /անգլերեն լեզու/ օտարերկրյա քաղաքացիների ուսուցման թույլտվություն տալու մասին հրամանի համաձայն՝ հետևյալ մասնագիտությունների գծով՝

Բակալավրի կրթական ծրագրով՝

• Տնտեսագիտություն
• Կառավարում
• Ծրագրային ճարտարագիտություն

Մագիստրոսի կրթական ծրագրով՝

• Կառավարում

Օտարերկրյա քաղաքացիների ընդունելությունն իրականացվում է ՀՀ բարձրագույն ուսումնական հաստատություններ օտարերկրյա քաղաքացիների ընդունելության ՀՀ Կառավարության որոշմամբ հաստատված կարգի համաձայն:

Վարձավճարների, ընդունելության ժամկետների և կրթության կազմակերպման վերաբերյալ լրացուցիչ տեղեկատվության համար դիմորդները կարող են դիմել Հյուսիսային համալսարանի ընդունող հանձնաժողով կամ օտարերկրյա քաղաքացիների ընդունելությամբ զբաղվող ստորաբաժանում:

Հյուսիսային համալսարան ընդունված ուսանողների համար ուսուցումը կարող է կազմակերպվել հայերեն կամ անգլերեն լեզվով:

Ներկայացվող փաստաթղթեր՝

• անձնագրի կամ ծննդյան վկայականի կամ մկրտության վկայականի թարգմանությունը` նոտարով հաստատված,
• կրթական աստիճանի վերաբերյալ ավարտական փաստաթղթի պատճենը (գնահատականներով)` թարգմանված և նոտարով հաստատված, իսկ առանձին երկրների դեպքում` նաև միջազգային վավերացմամբ (ապոստիլ),
• բժշկական տեղեկանք` ընդհանուր առողջական վիճակի մասին: Սույն տեղեկանքը կարող է տրված լինել նաև Հայաստանի Հանրապետության բժշկական կազմակերպությունների կողմից,
• 6 լուսանկար (3×4 չափսի)
• ինքնակենսագրություն (CV)` հայերենով, անգլերենով կամ ռուսերենով,
• լրացված դիմում-հարցաթերթիկ (դիմորդը կարող է այն լրացնել փաստաթղթերը հանձնելիս կամ ներբեռնել ՀՀ ԿԳՆ կայքէջից)
• դիմում ՀՀ ԿԳ նախարարի անունով (դիմորդը լրացնում է այն ՀՀ ԿԳՆ փաստաթղթերը հանձնելիս):

Ընդհանուր տեղեկատվություն

• Վիզայի վերաբերյալ տեղեկատվություն կարող եք ստանալ` այցելելով Հայաստանի Հանրապետության Արտաքին գործերի նախարարության կայքէջ հետևյալ հղումով`https://www.mfa.am/en/visa:
• Հյուսիսային համալսարան ընդունված օտարերկրյա ուսանողները ՀՀ-ում կացության կարգավիճակ ստանալու համար պետք է դիմեն համալսարանի օտարերկրյա քաղաքացիների ընդունելությամբ զբաղվող ստորաբաժանում՝ ներկայացնելով հետևյալ փաստաթղթերը՝

— անձնագրի կամ ծննդյան վկայականի կամ մկրտության վկայականի թարգմանությունը` նոտարով հաստատված
— բժշկական տեղեկանք` ընդհանուր առողջական վիճակի մասին: Սույն տեղեկանքը կարող է տրված լինել նաև   Հայաստանի Հանրապետության բժշկական կազմակերպությունների կողմից
— 6 լուսանկար (3×4 չափսի)
— դիմում-հարցաթերթիկ (լրացվում է Համալսարանում)
— վիզայի պատճենը: