Հյուսիսային համալսարանի և Իսպանիայի Բարսելոնայի համալսարանի միջև ստորագրված «Էրազմուս+» համագործակցության հուշագրի համաձայն՝ Հյուսիսային համալսարանի ուսանողները հնարավորություն ունեն 2026-2027 ուսումնական տարվա առաջին կիսամյակում սովորելու Բարսելոնայի համալսարանում:

Շարժունության տևողությունը 5 ամիս է:

Մրցույթի առաջին փուլին մասնակցելու համար անհրաժեշտ է ներկայացնել հետևյալ փաստաթղթերը՝

Ինքնակենսագրություն (CV՝ Europass ձևաչափով)

Տեղեկանք առաջադիմության մասին

Հավաստագիր անգլերենի առնվազն B1 մակարդակի իմացության մասին (եթե առկա է)

Նամակ-հիմնավորում՝ շարժունության ծրագրին մասնակցելու նպատակների մասին։

Փաստաթղթերն անհրաժեշտ է ուղարկել մինչև փետրվարի 13-ը՝ համալսարանի Արտաքին կապերի բաժնի ղեկավար Արուսյակ Իվանյանի էլեկտրոնային հասցեին՝

arusyakivanyan@gmail.com.

Մրցույթի արդյունքում հաղթող ճանաչված ուսանողի դիմումը և համապատասխան փաստաթղթերը կուղարկվեն Բարսելոնայի համալսարան:

Մաղթում ենք հաջողություն:

Լրատվության և հասարակայնության հետ կապերի ուսումնապրակտիկ կենտրոն