Մեր մասին

«Հյուսիսային համալսարան» ՍՊԸ-ի միջին մասնագիտական կրթական ծրագրերի  քոլեջը  հիմնադրվել է 1996 թ.-ին: Ի սկզբանե Քոլեջը գործել է Լոռու մարզի Ալավերդի քաղաքի մասնաճյուղին տրված լիցենզիայի հիման վրա՝ երեք կրթական ծրագրով՝ «Քույրական գործ», «Ատամնատեխնիկական գործ» և «Բուժական կոսմետոլոգիա»:

2007 թ.-ին Քոլեջն անցել է հավատարմագրում 2 մասնագիտությունների գծով՝ «Քույրական գործ» և «Ատամնատեխնիկական գործ»: Հետագայում՝ 2011 թ.-ից,   գործունեության իրականացման լիցենզիա տրվել է նաև Համալսարանի երևանյան գլխամասին:    

Վերջին 8 տարիներին  Համալսարանը միջին մասնագիտական կրթական ծրագրով կրթություն է իրականացնում երկու մասնագիտությամբ՝

• «Քույրական գործ»,
• «Ատամնատեխնիկական գործ»: 

2024 թ-ից  քոլեջը  համալրվել է երեք մասնագիտությամբ՝ «Իրավագիտություն» առկա և հեռակա /12-ի բազա/, «Նախադպրոցական կրթություն» և «Հաշվապահական հաշվառում /ըստ ճյոիղերի» /առկա 9-ի բազա,  հեռակա 12-ի բազա/:

2025թ. ԿԳՄՍ-ի կողմից քոլեջին շնորհվել է ինստիտուցիոնալ հավատարմագրում՝ բոլոր մասնագիտությունների գծով:

Քոլեջի շրջանավարտներին տրվում է պետական դիպլոմ՝ համապատասխան որակավորմամբ: Դասերն իրականացվում են Երևանում գտնվող Հյուսիսային համալսարանի շենքում՝  համապատասխան լսարաններում, կահավորված ու տեխնիկապես հագեցած լաբորատորիաներում: 

  Ուսանողները մասնագիտական պրակտիկան անցկացնում են մասնագիտական կենտրոններում՝ կրթության չափորոշիչների  բոլոր պահանջներին համապատասխան:

Քոլեջն իրեն տրված լիազորությունների շրջանակում ՝ Հայաստանի ՀանրապետությանԿրթության և գիտության նախարարի՝  27 մարտի 2015 թ. N 203-ն հրամանով կազմակերպվել են  համապատասխան քննական գործընթացներ՝ որոնց  արդյունքում  ավարտական դիպլոմ է շնորհվել  հետևյալ ոչ պետական ՄՈՒՀ-երի 167 ուսանողի:

1. Երևանի Լ. Օրբելի բժշկական ուսումնարան
2. Մեհրաբյանի անվան բժշկական ինստիտուտի բժշկական քոլեջ
3. Երևանի «Գրիգորիս» բժշկա-հումանիտար քոլեջ
4. Արտաշատի  բժշկական ուսումնարան
5. Եղեգնաձորի բժշկական ուսումնարան
6. Վայքի բժշկական ուսումնարան 
7. Երևանի Մենեջմենթի համալսարանի հենակետային քոլեջ
8. Արտաշատի  բժշկական ուսումնարան
9. Վարդենիսի բժշկա-հումանիտար քոլեջ
10. Երևանի բուժքույր-դաստիարակչուհիների քոլեջ
11. «Հիպոկրատ» բժշկական ուսումնարան 
12. Սևանի բժշկական ուսումնարան
13. Երևանի առևտրա-իրավագիտական տեխնիկում
14. Սուրբ Թերեզայի անվան բժշկական քոլեջ 
15. Գյումրու «Պրոգրես» համալսարանի բժշկական քոլեջ

Քոլեջն իր գործունեության օրվանից մինչ օրս պատրաստել  է շուրջ  527 շրջանավարտ /ներառյալ Ալավերդու բաժանմունք/, որոնցից շատերը  պահանջված են աշխատաշուկայում  իրենց մասնագիտական բարձր որակավորման շնորհիվ: