Էրազմուս+ բարձրագույն կրթության կարողությունների զարգացման (CBHE) «Սոցիալական հեռավորություն պահպանող և ներառական կամպուսային կրթության խթանումը Հայաստանի բուհերում», էլԿԱՄՊՈՒՍ

ծրագրի շրջանակում հայտարարվում է ծրագրի արտաքին գնահատման փորձագետի ընտրության բաց մրցույթ` ծրագրի երկամյա արդյունքները գնահատելու նպատակով։

Մանրամասները՝ www.ecampes.am կայքում

Պարտականություններ

• գնահատել ծրագրի իրականացման ընթացքում ձեռք բերված արդյունքները՝ ծրագրի նպատակների, ցուցանիշների և նախատեսված արդյունքների համատեքստում,
• գնահատել ծրագրի ազդեցությունը գործընկեր բուհերի, շահառու կառույցների և ՀՀ բուհական համակարգի ինստիտուցիոնալ զարգացման վրա,
• վերլուծել ծրագրի արդյունքների կայունությունն ու երկարաժամկետ կիրառելիությունը,
• մշակել արտաքին գնահատման զեկույց՝ ներառելով եզրակացություններ, առաջարկություններ և հետագա բարելավմանն ուղղված դիտարկումներ,
• անհրաժեշտության դեպքում մասնակցել ծրագրային նյութերի ուսումնասիրությանը և խորհրդատվական հանդիպումներին, կատարել մասնակիցների հարցումներ։

Պահանջվող որակավորումներ

• բարձրագույն կրթության ոլորտում աշխատանքային փորձ,
• դասավանդման և ուսումնառության ժամանակակից, ներառյալ թվային և տեխնոլոգիապես հագեցած կրթական մոտեցումների իմացություն,
• ԵՄ ֆինանսավորմամբ ծրագրերի, մասնավորապես Erasmus+ CBHE նախագծերի իրականացման փորձ,
• ծրագրերի գնահատման փորձը կդիտվի որպես առավելություն,
• անգլերեն լեզվի գերազանց իմացություն,
• նախագծերի կառավարման և/կամ որակի ապահովման ոլորտում առնվազն երեք տարվա փորձառություն,
• վերլուծական և զեկույցների պատրաստման բարձր հմտություններ։

Ներկայացվող փաստաթղթեր

• ինքնակենսագրություն (CV),
• մոտիվացիոն նամակ,
• պահանջվող փորձառությունն ու որակավորումները հիմնավորող փաստաթղթեր,
• Erasmus+ և այլ միջազգային ծրագրերին մասնակցությունը հավաստող փաստաթղթեր (առկայության դեպքում),
• ծրագրերի գնահատման փորձը հավաստող փաստաթղթեր (առկայության դեպքում)։

Ժամկետներ

Աշխատանքների մեկնարկ՝ 26․10․2026թ․

Աշխատանքների ավարտ՝ 30․11․2025թ․

Զեկույցի վերջնական տարբերակի ներկայացում՝ 14․12․2026թ․

Փաստաթղթերի փաթեթը պետք է ներկայացնել info@northern.am

 /Cc/ecampus@ysu.am հասցեով մինչև 2026թ․-ի հոկտեմբերի 19–ը ներառյալ։

Ընտրությունը կիրականացվի ներկայացված փաստաթղթերի գնահատման հիման վրա։